Vise-Prezidente Parlamentu Nasionál, Deputadu Luis Roberto da Silva. Imajen TATOLI/Doc.

DILI, 21 janeiru 2020 (TATOLI)–Partidu Kmanek Haburas Unidade Nasionál Timor Oan (KHUNTO), hakarak iha diálogu entre polítiku sira atu solusiona inserteza polítika rai-laran.

“Bankada KHUNTO nia haree atu solusiona impase polítika ne’e ita presiza tuur hamutuk maka diálogu atu hametin filafali ita-nia unidade nasionál. Husi diálogu ne’e sei hamosu konsensu iha ne’ebá para ita hotu-hotu partisipa. Ida-ne’e mak KHUNTO nia hakarak”, Deputadu Bankada KHUNTO, Luís Roberto, ba Agência TATOLI, iha resintu Parlamentu Nasionál, tersa ne’e, relasiona ho Prezidente Repúblika, Francisco Guterres ‘Lú Olo’ fó-sai katak ronda diálogu sei hahú realiza iha 23 janeiru, semana ne’e.

Nia afirma, timoroan hotu-hotu tenke partisipa atu hadi’a nasaun ne’e bá oin, tanba ne’e tenke tau aas interese nasionál liu buat hotu-hotu.

Reprezentante povu ne’e akresenta, KHUNTO nia hakarak timoroan hotu-hotu sai ema ida hadi’a ekonomia nasaun nian.

Deputadu Luís Roberto hanesan jerasaun foun husu líder nasionál no líder partidu polítiku hotu-hotu tuur hamutuk, fó hanoin ba malu atu solusiona situasaun polítika atuál.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here