Espoza Prezidente Republika, Cidalia Nobre Guterres (Loos) no Embaixadór Japan Interinu iha Timor-Leste, Shingo Higashimoto (Karuk) Simbolikamente Inagurasaun Sentru Edukasaun Sosial ba Ema ho Defesiensia. Imajen/Egas Cristovão

DILI, 21 janeiru 2020 (TATOLI)-Enkarregadu Negósiu  Japaun iha Timor-Leste, Shingo Higashimoto, ohin,  inagura Sentru Edukasaun Sosiál Integradu, harii hosi Asosiasaun Defisiénsia Timor-Leste (ADTL) tanba hetan apoiu orsamentu hosi Governu Japaun liuhosi ninia embaixadór iha Dili.

Sentru Edukasaun Sosiál Integradu sei forñese formasaun iha área komputadór, lideransa no seluk tan ba ema defisiénsia iha Timor-leste.

Notísia Relevante:ADTL Hakarak Muda Ema-Nian Hanoin Kona-ba Defisiente

Espoza Prezidente Republika, Cidália Nobre Mouzinho Guterres, no Diretór Jerál Ministériu Solidariedade Sosiál no Inkluzaun (MSSI)Rui Exposto maka akompaña Enkarregadu Negósiu Japaun iha TL hodi inagura edifísiu foun ne’ebé harii ona iha área Mascarenas Dili.

Konstrusaun foun ne’e hetan apoiu orsamentu hosi governu Japaun liuhosi  fundu asisténsia seguransa umanitária  ba komunidade ho totál rihun $ 88.721.

Notísia Relevante:Governu Konsidera Ejijénsia ADTL Kona-ba Ratifikasaun Konvensaun Direitu EHD

Shingo Higashimoto, informa Governu Japaun iha esperansa boot atu sentru edukasaun sosiál ne’e sei akumula defisiénsia hotu-hotu hodi partisipa iha formasaun no husu labele abandona defisiénsia balun iha kotuk.

Iha biban hanesan Diretór Asosiasaun Defisiénsia Timor-Leste ADTL,  Cesário da Silva, hatete primeira faze sei fó formasaun ba defisiénsia hamutuk na’in 30 depois remata maka sei loke tan formasaun foun.

Notísia Relevante:ADTL Disemina Informasaun Kona-ba Inkluzaun ba MDRI

“Hakarak agradese ba parseiru Japaun ne’ebé apoiu orsamentu hodi hala’o konstrusaun ba sentru ne’e,”katak Diretór ADTL, iha ninia deskursu durante serimonia inagurasaun ohin.

Prosesu konstrusaun ba edifísiu foun ne’e hahú iha fulan-april 2019 hosi Kompaña Nasionál C.K.F Lda, ho totál sala boot tolu, hariis fatin kompleta ho ekipamentu komputadór no seluk tan.

Jornalista : Nelson de Sousa

Editór : Francisco Simões

HAKEREK NO HATÁN

Please enter your comment!
Please enter your name here