Saudozu Mário Carrascalão mak hamrik iha liman los, lider nasional Kay Rala Xanana Gusmao. Foto ne'e iha momentu Mário Carrascalão mos hola parte iha seremonia enkotru Maubise.

DILI, 21 janeiru 2020 (TATOLI)-Relasiona ho impase polítika ne’ebé akontese dadaun ne’e, Autoridade Munisípiu Dili husu ba lider sira nasaun nian atu tuur hamutuk hodi buka solusaun ba situasaun iha rai-laran.

Notísia Relevante:Arsebispu Dili Husu Líder Nasionál no Polítiku Sira Hamutuk

“Ha’u-nia espetativa kona ba orsamentu jerál estadu 2020 ne’ebé sumba iha parlamentu nasionál (PN) husu ba lider sira tuur hamutuk hodi buka dalan ne’ebé mak mais simples no mais favorese hodi rezolve impase ida ne’e tanba ita-nia povu mak simu sofrementu,”afirma Adjuntu Prezidente Munisípiu Dili, José Ximenes Smith ba TATOLI, iha ninia servisu fatin matadouro ohin.

Notísia Relevante:Lider Sira Tenke Hanoin Salva Ekonomia TL

Nia dehan maske lider sira iha diferensia idea pesoál maibé tenke tau interese nasionál aas liu hodi dezenvolve nasaun. Tanba dezenvolvimentu atu la’o di’ak persiza lider sira nia unidade.

“Ita presiza mak lider sira tuur hamutuk hodi tau forsa, hanoin no matenek hodi bele lori prosesu ida ne’e no hetan netik solusaun ba problema ne’ebé mak akontese iha ita-nia rai-laran,” nia salienta.

Jeca Smith, esplika impase polítika ne’ebé akontese afeita ba dezenvolvimentu liliu ekonómia nasaun no povu nia moris di’ak.

Jornalista : Osória Marques

Editór : Francisco Simões

HAKEREK NO HATÁN

Please enter your comment!
Please enter your name here