AVC. Ilustrasaun

DILI, 21 janeiru 2020 (TATOLI)-Espesialista Neorolojia, Brigido de Deus hateten, asidente vaskulár serebrál (sigla portugés, AVC=strok) ne’e agora aumenta  ba bebeik iha Hospital Nasional Guido Valadares (HNGV) tanba husi tensaun, fuma no problema fuan (kardiáku)

Nia hatutan, moras asidente vaskulár serebrál (strok) ne’e parte husi u’at ne’ebe ki’ik liu (saraf) entaun asidente vaskulár serebrál agora aumenta  ba beibeik.

“Ha’u hakarak dehan moras asidente vaskulár serebrál (strok) ne’e alende tensaun no problema fuan, moras ne’e afeta mos tanba kolestrol mós aas tanba ema sira ne’ebé mak han la kontrola an. Ida ne’e mak hetan lalais risku ba moras asidente vaskulár serebrál (strok) ne’e rasik,” Espesialista Neorolojia HNGV, Brigido de Deus, dehan ba Jornalista sira iha HNGV,  tersa (21/01/2020).

Nia informa, moras asidente vaskulár serebrál (strok) ne’e fahe ba rua mak asidente vaskulár serebrál Hemorrágico no asidente vaskulár serebrál Infarto (tersumbat).

Moras asidente vaskulár serebrál Hemorajiku no Infarto ne’e, nia informa, risku ba ema-nia vida hanesan ezemplu halo ema mate iha fatin, se lae lori ba ospitál hodi halo tratamentu ho di’ak hodi bele salva.

“Problema ba moras asidente vaskulár serebrál ne’e nia impaktu ba ema-nia moris sei problema barak. Ezemplu, ita bele salva maibé nia ho isin sorin maten no ko’alia la hatene entaun iha komplikasaun oin-oin. Entaun, pasiente ne’ebé hetan moras ne’e ita bele salva maibé hela ho problema oin-oin bele ko’alia la hatene bele la’o la di’ak,” nia dehan.

Problema ba moras asidente vaskulár serebrál ne’e, nia esplika, iha naun infeksioza entaun moras sira ne’e la’ós kauza husi infeksaun.

Nia esplika, moras asidente vaskulár serebr’al ne’e akontese ba se de’it, inklui labarik no ema boot sira mós hetan maibé depende ba nia fator sira.

“Maibé, ha’u hakarak informa katak agora daudaun iha Hospital Nasional Guido Valadares (HNGV) ne’e, ema idade 40 ba leten mak hetan problema ba moras asidente vaskulár serebrál ne’e barak,” nia infroma.

Notísia relevante:Halo Atividade Fízika Hamenus Tensaun No Kolesteról

Jornalista : Felicidade Ximenes

Editór        : Rafy Belo

HAKEREK NO HATÁN

Please enter your comment!
Please enter your name here