Profesór sira iha ESG 5 de Maio Becora. Foto: https://esg5demaio.wordpress.com/

DILI, 20 janeiru 2020 (TATOLI) – Maske Orsamentu Jerál Estadu (OJE) 2020 sumba iha Parlamentu Nasionál, INFORDEPE sei utuliza nafatin ninia orsamentu duadésimu hodi kontinua alkansa programa formasaun ba profesór sira maibé ho kuantidade númeru ne’ebé ki’ik.

Prezidente Instituto Nacional de Formação de Docentes e Profissionais da Educacão (INFORFEPE), Victor Brito hateten, formasaun akadémiku kontinua la’o normál maibé formasaun kontinuasaun ne’e mak tenke redus oituan maibé INFORDEPE iha parseiru ho ajénsia lubuk ida ne’ebé prontu nafatin fó apoiu.

“Agora formasaun ne’ebé INFORDEPE realiza bazeia ba tipu rua ne’ebé iha mak hanesan formasaun akadémiku no formasaun kontinuasaun. Ita foka liu ba kompoténsia haat ne’ebé iha mak hanesan formasaun ba lingua Portugs no Tetum, koñesimentu de kontiudu, koñesiementu Pedagozia inklui koñesimentu kona-ba etika profisionál,” dehan Victor Brito ba Ajênsia TATOLI iha ninia gabinete, Matadoru, Balide, Dili, segunda (20/1/2020).

Nia inroma, orsamentu duodésimu 2019 nian, INFORDEPE iha montante $1,7 millaun maibé la’os haree de’it ba formasaun. Orsamentu ne’e, tuir nia, kategoria ba saláriu e vensimentu, transfarensia públika no bens e servisu, ida ne’e mak sei la’o normal no kapital menor mak kua.

“Ita laiha kapital menor entaun orsamentu ba item ne’e ajusta ba kapital menor ministériu nian. Razaun tanba finansiamentu ita sei dependensia ba MEJD no administrativu mak ita rasik mak jere,” nia dehan.

Tanba, tuir nia, INFORDEPE nu’udar Instituisaun Públiku ne’ebé iha ninia planu estratéjiku inklui vizaun no misaun atu fó formasaun ba profesór sira ho kualidade iha kontestu Timor nian.

“Mezmu iha espekulasaun polítika maibé INFORDEPE nu’udar mákina do estadu hala’o nafatin ninia knaar. OJE 2020 sumba iha PN konsidera sei fó impaktu ba formasaun maibé ho orsamentu duodésimu INFORDEPE kontinua la’o nafatin ho objetivu ne’ebé trasa ona,” nia esplika.

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here