Sekretáriu Estadu Juventude no Despostu, Nélio Isaac Sarmento. Imajen Tatoli/António Gonçalves

DILI, 20 janeiru 2020 (TATOLI)–Sekretáriu Estadu Juventude no Desportu, Nélio Isaac Sarmento hateten Governu la’o de’it ho orsamentu duodésimu maibé kontinua apoiu atividade desportu hotu iha Timor-Leste maibé la másimu to’o pursentu 100.

“Ha’u bele dehan normalmente ita uza orsamentu duodésimu sei la fó impaktu ba Liga no atividade desportu sira hotu ne’ebé daudaun ne’e la’o hela. Klaru katak ita sei labele fó orsamentu hotu. Ita tenke fó osan ne’e uitoan-uitoan tuir regra duodesimu ne’ebé iha. Ne’e la’ós fó pursentu 100 kedas,” Nélio ba Agência Tatoli iha edifísiu Sekretaria Estadu Juventude no Desportu (SEJD), Lecidere, Dili, segunda ne’e.

Nia subliña Governu kontinua apoiu atividade hotu. Naran katak modalidade no Liga sira tenke prepara planu ne’ebé di’ak.

“Ne’ebé, duodésimu ne’e ita prepara hela kondisaun atu ajuda atividade hotu desportu nian maibé la másimu. Tuir situasaun ne’ebé iha,” Nélio haklaken.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here