Ekipa Serbisu Inspesaun EDTL identifika ligasaun ilegál iha Dili laran. entretatun, iha aldeia balun iha Aileu ho munisípiu seluk to'o agora seidauk asesu eletrisidade ho di'ak. Imajen/Osória A.Marques

DILI, 20 janeiru 2020 (TATOLI)-Diresaun Jerál Eletrisidade Timor-Leste (EDTL), iha tinan 2019 liubá monta ona prepago hamutuk unidade 120.677 ba komsumidór  iha Munisípiu Dili.

Diretóra EDTL, Arlinda Miranda, hateten, Ministériu Obrás Publikás liuhosi Diresaun Jerál Eletrisidade kontinua esforsu hodi instala prepago ba komsumidór enerjia eletrisidade hotu iha Dili, hodi hatama reseita ba kofre estadu.

Notísia Relevante:EDTL Dezliga Ligasaun Ilegál 242 iha Dom Aleixo

“EDTL kontinua koleta reseitas liohusi instalasaun metru pré-pago 120. 677 unidade no  kliente ne’ebé seidauk instala kontadór hamutuk 62. 551 kliente,”informa Arlinda Miranda, ba jornalista sira iha ninia servisu fatin Caicoli,Dili,ohin.

Notísia Relevante:EDTL Hatama Millaun 59.650 Ba Kofre Estadu

Tuir dadus EDTL deskobre sidadaun uma-kain 500-resin maka sei kontinua halo  instalasaun ilegál, tanba ne’e,  sei buka atu dezliga hodi aplika sansaun multa basea ba dekretu lei nú.33/2016, artigu 13 a no b sei selu multa hosi $ 100 no $ 250.

Notísia Relevante:EDTL Monta Ona Kontadór Pre-Pagu Foun ba Umakain 1000-Resin Iha Dili

Iha tinan 2019, EDTL rekolla reseita millaun $ 23.579.825,35.

Notísia Relevante:Kliente EDTL 30.000 Dada Eletrisidade Ilegál Tanba Seidauk Iha Kontadór Pre-Pagu

Jornalista  : Osória Marques

Editór : Francisco Simões

HAKEREK NO HATÁN

Please enter your comment!
Please enter your name here