Logotipu CNJTL

DILI, 18 janeiru 2020 (TATOLI) – Kongresu Nasionál ba dala V Conselho Nacional da Juventude Timor-Leste (CNJTL) diskute isu temátiku rua ne’ebé importante atu tulun estrutura foun ne’ebé eleitu hodi la’o tuir liña jerál ne’ebé deside ona husi kongresista sira.

Isu temátiku rua ne’ebé mak hetan diskusaun maka’as mak kona-ba liña jerál programa tomak iha CNJTL nian atu nune’e kuandu Estrutura ne’ebé eleitu bele halo tuir liña jerál ka programa ne’ebé kongresista sira prepara ona. Depois mós kona-ba revizaun ba estatutu CNJTL nian.

“Ha’u hanesan Prezidente meza hamutuk ho kongresista sira halo ona debate maka’as ba isu temátika rua ne’e no agora ami esforsa maka’as hela oinsa atu hamosu rezolusaun ida atu bele lejitima komisaun armonizasaun ida atu kontinua hadi’a eststutu ne’e”, nia dehan ba Agência TATOLI iha Sentru Konvensaun Dili (CCD), ohin.

Nia dehan, haree ba estatutu CNJTL nian iha buat balun presiza hadi’a, kongresista sira haree estatutu CNJTL nian presiza sita mós organizasaun fundadór sira ne’ebé mak iha tenke tau hotu iha preambulu no mós tenke sita mós fatin harii no fatin transformasaun.

“Ita nia kongresista sira sita Fatin harii iha ne’ebé inklui kompozisaun. Tanba durante ne’e estatutu la sita sasan sira ne’e. Agora mak hatama ona iha draft (esbosu) hodi hetan aprovasaun”.

Jornalista : Tomé Amado

Editór : Rafy Belo

HAKEREK NO HATÁN

Please enter your comment!
Please enter your name here