Eis Prezidente Parlementu Nasionál, Arão Noé de Jesus da Costa Amaral. Imajen/António Gonçalves.

DILI, 17 janeiru 2020 (TATOLI)—Prezidente Parlamentu Nasionál (PPN), Arão Noé de Jesus da Costa Amaral, husu Primeiru-Ministru (PM), Taur Matan Ruak, simu rezultadu ho pasiénsia no labele husik Estadu ne’e monu ba krize ekonomia no finanseira.

“Obrigadu barak ba Primeiru-Ministru no membru Governu sira-nia pasiénsia bele simu desizaun plenária ninian. Ha’u hein katak ita bele esforsu nafatin para labele husik Estadu ne’e monu ba krize ekonomia no krize finanseira”, Arão ko’alia kestaun ne’e hafoin proposta Orsamentu Jerál Estadu (OJE) 2020 ho montante biliaun $1,668 la pasa iha debate jeneralidade, iha plenária Parlamentu Nasionál, sesta ne’e.

Hafoin rezultadu votasaun, maioria deputadu sira hosi bankada CNRT lakohi ko’alia ba mídia. Nune’e mós deputadu sira-ne’ebé vota kontra la justifika razaun vota kontra.

Entretantu, hosi Bankada Parlamentár PLP no KHUNTO vota a-favór proposta orsamentu 2020 ne’e.

Hosi parte bankada opozisaun, FRETILIN no PD husu Aliansa Mudansa ba Progresu (AMP) atu tuur hamutuk solusiona problema iha AMP nia laran.

Jornalista: Evaristo Soares Martins

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here