Prezidente Parlamentu Nasionál, Arão Noe de Jesus da Costa Amaral. Imajen Tatoli/Egas Cristóvão

DILI, 17 janeiru 2020 (TATOLI)—Meza Parlamentu Nasionál (PN) to’o oras ne’e seidauk simu proposta alterasaun hosi deputadu sira.

Tanba ne’e, Prezidente Parlamentu Nasionál, Arão Noé de Jesus da Costa Amaral, kontimua fó tempu ba deputadu to’o aban (18/01/2020) meudia.

“Pur-enkuantu ami seidauk simu proposta ruma hosi deputadu sira. Tuir ami-nia giaun ne’e to’o tuku 12.00 ohin ne’e hatama proposta, maibé komu iha debate naruk hela, parese orsida depois aprovasaun jeneralidade maka deputadu sira hatama”, Arão Noé ba jornalista sira, iha resintu Parlamentu Nasionál, sesta ne’e.

Nia dehan, se aban meiudia maka deputadu sira la hatama proposta alterasaun hodi prepara ba debate espesialidade iha segunda semana oin, labele ona.

“Ne’e ko’alia de’it proposta ba anexu 2. Proposta ba alterasaun ba artigu sira loke ba iha diskusaun no proposta kona-ba atu redús orsamentu ne’e to’o ohin. Maibé, komu deputadu sira ativu hela debate entaun sira la prepara proposta. Bele estende tempu ba preparasaun”, Arão tenik.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here