DILI, 18 janeiru 2020 (TATOLI) – Ministériu Edukasaun, Juventude no Desportu (MEJD) aloka ona ninia  orsamentu ho montante $6,028,000.00 millaun atu asegura programa prioridade tolu iha 2020 ne’ebé preve ona iha planu fundu kapitál dezenvolvimentu nian.  Orsamentu refere hasai husi  Orsamentu Jerál Estadu 2020 ho montante $89,511,043.00 millaun.

Vise-Ministru Edukasaun, Juventude no Desportu (VMEJD), João Zacarias hateten, programa prioridade tolu ne’ebé hatuur ona iha fundus Kapitál dezenvolvimentu ne’e mak hanesan konstrusaun salas ba pre-eskolár hamutuk 26, konstrusaun salas ba pre-eskolár hamutuk 144 no konstrusaun salas ba ensinu sekundária hamutuk 33.

Nia dehan, politika MEJD nian mak atu garante no hadi’a asesu edukasaun ho kualidade ba timoroan tomak tanba atu garante kualidade edukasaun presiza mós kondisaun infraestrutura, fasilidade ne’ebé adekuadu, kurrikulu ensinu, kualidade manorin na’in sira tenke iha kompotensia atu nune’e bele lori edukasaun ida diak liu ba ema Timor oan tomak.

”MEJD determina hakarak atinji objetivu politika ida edukativu liu husi programa sira ne’ebé mak hatuur ona iha planu 2020 nian. No, sei reforsa ho OJE ne’ebé MEJD aprejenta ona”, dehan  Vise Ministru Edukasaun, Juventude no Desportu (VMEJD) João Zacarias ba Agência TATOLI iha Parlamentu Nasionál, sesta (18/1/2020).

Bazeia ba polítika programa VIII Governu Konstitusionál nian, MEJD tau importante ba programa jestaun eskolár no establesimentu sistema eskolár nian atu garante atinjimentu objetivu husi prioridade sira ne’e.

Notísia relevante:Orsamentu Bens no Servisu MEJD Sei Uza Ba Asegura Programa

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here