Ministru Prezidénsia Konsellu Ministru, Agio Pereira

DILI, 17 janeiru 2020 (TATOLI)—Ministru Estadu Prezidénsia Konsellu Ministru, Hermenegildo Augusto Cabral Pereira, hateten hafoin halo redusaun ba orsamentu, projetu foun sei suspende ba 2021.

“Ami simu instrusaun hosi Primeiru-Ministru hodi ko’a projetu foun, maibé ko’a ne’e la’ós oho hotu, lae. Ko’a signifika katak suspende no konsidera ba 2021”, nia informa liuhosi debate jeneralidade Orsamentu Jerál Estadu (OJE) 2020, iha plenária Parlamentu Nasionál, sesta ne’e.

Lee mós: Panorama Orsamentál 2020

Hermenegildo “Agio” Pereira haktuir, razaun projetu foun ne’e suspende tanba instituisaun hotu-hotu sofre korte (redusaun) liuhosi Komisaun Revizaun Orsamanetu nível Polítika (KROP).

Ministru Estadu Prezidente Konsellu Ministru ne’e haklaken, iha 2020 ministériu relevante sei halo esforsu másimu hodi hetan konsensu kona-ba méritu hosi projetu foun sira iha 2021.

Agio Pereira hatutan, la’ós dehan tinan ida-ne’e la hetan ne’e laiha maibé sei konsidera nafatin iha tinan oin.

Razaun seluk suspende ba 2021, nia esplika, atu hetan aprovasaun ba projetu ho méritu liu. Tanba ne’e, proposta Orsamentu Jerál Estadu (OJE) 2020 projetu foun sei laiha.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here