Diretór Institutu Defeza Nasionál, Donaciano Costa Gomes “Pedro Klamar Fuik”

DILI, 17 janeiru 2020 (TATOLI)-Diretór Institutu Defeza Nasionál Timor-Leste (IDN), Donaciano Costa Gomes “Pedro Klamar Fuik” hateten atu redúz númeru dezempregu iha rai-laran, governu persiza loke ona indústria hodi fó servisu ba joven sira.

Pedro Klamar Fuik hato’o asuntu ne’e bainhira sai oradór iha kongresu nasionál dahaat hosi Konsellu Nasionál Juventude Timor-Leste (CNJTL-sigla portugés) iha Sentru Konvensaun Dili (CDD), kinta horiseik.

“Estadu persiza haree dezenvolvimentu hodi investe iha kualidade eskola, ospitaís no fó asisténsia sosiál di’ak ba ema hotu,”katak, Diretór IDN.

Notísia Relevante :FRETILIN-PD Preokupa Kriasaun Kampu Serbisu 60.000

Nia dehan,  tinan 18 ona Timor-Leste restaura ninia independénsia, tanba ne’e, tempu ona atu hahú dezenvolve setór produtivu hanesan agrikultura no setór prinsipál hanesan petrolíferu, marítimu, turizmu ho seluk tan.

Notísia Relevante :SEFOPE Esforsu Hadi’a Sistema Baze Dadus

“Timor-Leste persiza iha mudansa ba nível dezenvolvimentu hotu-hotu liliu setór produtivu atu bele kria espasu foun ba empregu no kria auto-empregu atu nune’e  hamenus dependensia boot husi sidaudaun  ba estadu,”tenik tan.

Notísia Relevante :MAP Hahú Diversifika Ekonomia ho Peska Industriál

Entretantu,bazea ba dadus hosi Sekretádu Estadu Formasaun Profesionál no Empregu (SEFOPE), populasaun Timor-Leste porsentu 11 maka dezempregu.

Jornalista  : Osória Marques

Editór : Francisco Simões

HAKEREK NO HATÁN

Please enter your comment!
Please enter your name here