Diretór Ezekutivu Klínika Bairru Pité, Daniel Murphy. Imajen Jogerjo Guterres

DILI, 17 janeiru 2020 (TATOLI)-Diretór Klinika Bairru-Pité, Daniel Murphy hateten katak númeru VIH/SIDA (Vírus da Imunodeficiência Humana/Síndrome da Imunodeficiência Adquirida) aumenta ba bebeik tanba joven sira ransu livre hanesan heteroseksu, bele mane ho mane ne’e, fasilita lalais hetan virus VIH.

“Dalaruma ami sempre iha semana ida hetan kazu foun HIV/SIDA entaun HIV/SIDA ne’e bele estraga ekonomia Timór tanba agora joven sira lakohi estuda, lakohi halo kontribuisaun ba rai ne’e maibé halo kruz todan ba Timór,” Diretór Klínika Bairru-Pite, Daniel Murphy hateten ba jornalista sira iha nia kna’ar fatin, ohin.

Notísia relevante:Prevene HIV/SIDA, Inan-Aman No Igreja Iha Papel Importante Fó Atensaun Oan Sira

Médiku Daniel Murphy relata, durante tinan-2019, VIH/SIDA iha kazu 250 kazu rejistadu hodi halo tratamentu iha klínika Bairru-Pité.

“Agora problema mak ne’e sira lakohi hakbesik aan ba klínika sira hodi hatene sira nia aan maibé hanesan, ha’u-nia estratejia ema ne’ebé idade 15 ba leten di’ak liu periksa (konsulta) sira-nia raan, haree para hatene tanba ita labele hatene katak sira nee hetan HIV”.

Entretantu, iha biban hanesan Diretór Klinika Bairru-Pité, Daniel Murphy haktuir katak Klinika Bairru-Pité mós detekta labarik tinan-neen hetan VIH/SIDA pozitivu. “Ami detekta labarik tinan-neen tanba hetan trasmisaun husi inan ba oan durante partu trasmisaun vertikál”.

Notísia relevante:2003 To´o 2019, Kazu HIV/SIDA Iha Timor-Leste Hamutuk 1039

Jornalista    : Felicidade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here