Ministra Finansa en-ezersísiu, Sara Lobo Brites. Imajen Tatoli/ Egas Cristovão.

DILI, 17 janeiru 2019 (TATOLI)–Alokasaun orsamentu ba Rejiaun Administrativa Espesiál Oé-Cusse Ambeno (RAEOA) no Zona Espesiál Ekonomia Sosiál Merkadu (RAEOA-ZEESM) iha tinan fiskál 2020, Governu fahe ona ba kategoria.

“Iha tinan ida-ne’e, alokasaun orsamentu ba RAEOA–ZEESM fahe tuir kategoria, iha mós millaun $14 ba bens no servisu”, Ministra Finansa en-Ezersísiu, Sara Lobo Brites relata iha diskusaun jeneralidade ba proposta Orsamentu Jerál Estadu (OJE) 2020 iha plenária Parlamentu Nasionál, sesta ne’e.

Notísia Relevante: Proposta Orsamentu 2020 ba RAEOA Millaun $127,206

Antes ne’e, orsamentu ba Zona Espesiál ne’e liuhosi transferénsia públika maibé daudaun ne’e Governu sentrál haree iha nesesidade atu fahe tuir kategoria.

Iha proposta foun RAEOA-ZEESM hamutuk millaun $127,206 (antes ne’e millaun $26,086,016), kompostu hosi saláriu no vensimentu millaun $8,819 (mantein), bens no serbisu millaun $14,484 (mantein), transferénsia públika millaun $2,783 (mantein), kapitál menór $520.000 (antes ne’e zero) no kapitál dezenvolvimentu millaun $100,599 (antes ne’e zero).

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here