iklan

INTERNASIONÁL, DILI, HEADLINE, POLÍTIKA

ONU Avalia Dadaun Relatóriu Estadu Timor-Leste Kona-ba CEDAW

ONU Avalia Dadaun Relatóriu Estadu Timor-Leste Kona-ba CEDAW

Sekretáriu Estadu, Maria José da Fonseca Monteiro. imajen SEII

DILI,16 janeiru 2020 (TATOLI)-Organizasaun Nasaun Unida (ONU) dadaun ne’e hala’o hela avaliasaun ba relatóriu Estadu Timor-Leste kona-ba The Convention on the Elimination of all Forms Discrimination Against Women (CEDAW) hafoin Governu liuhosi Sekretáriu Estadu Igualdade no Inkluzaun (SEII) Maria José da Fonseca Monteiro, submete ba komité CEDAW iha Nova Iorke iha fulan-dezembru 2019 liubá.

Relatóriu ne’e atu haree progresu saida maka kria ona ba feto sira liliu asesu ba setór edukasaun, saúde, ekonómia,polítika, justisa no seluk tan, tanba Timor-Leste ratifika ona konvensaun internasionál ne’e iha tinan 2003, no obrigatóriu kada tinan haat estadu membru sira tenke submete relatóriu ba ONU.

Notísia Relevante:Semana Ne’e, TL Submete Relatóriu CEDAW ba ONU

Sekretáriu Estadu, Maria José da Fonseca Monteiro, ba Agência TATOLI, ohin iha Parlamentu Nasionál hateten Komité CEDAW hahú halo ona avaliasaun ba relatóriu CEDAW ne’ebé aprezenta hosi nasaun membru 100-resin inklui Timor-Leste, avaliasaun ne’e hahú iha fulan-dezembru 2019 no sei termina iha fulan maiu 2020.

ONU sei haruka fila-fali rekomendasaun  ba estadu membru sira hodi implementa hafoin finaliza prosesu avaliasaun ne’e.

“Kuandu ida ne’e remata ona,ita hein tinan ne’e nia laran sira (ONU) sei halo fali ajenda ikus  ba ita maka ba apresenta relatóriu ikus,”dehan, Governante ne’e.

Jornalista : Nelson de Sousa

Editór : Francisco Simões

iklan
iklan

Leave a Reply

iklan
error: Content is protected !!