Komandante Polisia Munisípiu Dili, Superintendente Xefe, Armando Monteiro Serimonia Tomada Posse ba membru KPK Sira. Imajen/ Tatoli Nelson Sousa

DILI, 16 janeiru 2020 (TATOLI)-Membru Konsellu Polisiamentu Komunitária (KPK)  300 hosi suku 12 iha Munisípiu Dili, kinta ohin, deklara sei kolabora no kontribui ho Instituisaun Polisia Nasionál Timor-Leste hodi asegura seguransa ba komunidade iha Kapitál Dili.

Durante seremonia tomada possé ohin, membru KPK  hosi Suku 12, hanesan Suku Villa- Verde, Culuhun, Metiaut, Bidau-Santana, Colmera, Motaél, Akadirihun, Bidau- Lecidere, Bikeli no Makadadi, deklara sei servisu ho voluntáriu  hodi kontribui ba prosesu dezenvolvimentu.

Notísia Relevante:Polisia Dili Sei Kompleta Estrutura KPK iha Suku 34

Komandante PNTL Munisípiu Dili, Superintendente  Xefe Polisia, Armando Monteiro, relata ho tomada pose kompleta ona estabelesementu estrutura KPK iha suku 36, iha Postu Administrativu neen iha Munisípiu Dili nian.

“Ho membru KPK sira hodi kolabora hamutuk ho komandu PNTL Dili liuliu hamutuk ho Polisiamentu Komunitária atu asegura liután seguransa iha Suku no aldeia sira,”dehan, Armando Monteiro iha Komandu PNTL Caicoli Dili.

Notísia Relevante:PNTL Bobonaro Sei Fó Posse ba Membru KPK 400

Iha okaziaun ne’e, Komandante Polisia Munisípiu Dili ne’e, agradese ba Fundasaun Ázia(Asia Foundation-sigla inglés) ho Diresaun Polisiamentu Komunitária  tanba halo ona esforsu hodi kompletu estrutura KPK iha Dili.

Iha biban hanesan Vise Prezidente Autoridade Munisípiu Dili, José Ximenes Smith, husu ba emposadu sira atu asume kna’ar ne’e ho responsabilidade  hodi  nune’e bele kontribui liután ba pás no hakmatek iha komunidade nia le’et.

Notísia Relevante:Membru KPK Suku Tolu iha Dili Tuir Formasaun ba Prevensaun Konflitu

Serimonia tomada pose ne’e  partisipa hosi segundu Komandante PNTL, Komisáriu Mateus Fernandes, Embaxadór Nova-Zelandia iha  Timor-Leste,  Shingo Higashimoto , Assesór Ministéru Interiór, Paul Martins,Vise Prezidente Autoridade Munisipiu Dili,  Jeca Smith  ho parseiru dezenvolvimentu  seluk tan.

Jornalista : Nelson de Sousa

Editór : Framcisco Simões

HAKEREK NO HATÁN

Please enter your comment!
Please enter your name here