Vigario Dioseze Dili, Padre Juvito do Rego.Imajen/Antonia Maia Gusmao.

DILI, 16 janeiru 2020 (TATOLI)-Vigáriu  Episkopál Re-evanjelizasaun ba Asuntu Pastorál Dioseze Dili, Pe.Juvito do Rego, husu ba joven Timoroan-sira atu kontribui ba pás hodi aselera prosesu dezenvolvimentu nasionál.

Padre Juvito do Rego hato’o mensajen ne’e,  durante sai oradór ba kongresu Konsellu Nasionál Juventude Timor-Leste ba dala-haat ne’ebé realiza iha sentru konvensaun Dili (CCD-sigla portugés) hahú loron 16 to’o 18 fulan-janeiru 2020.

Joven sira. Foto espesiál

 Notísia Relevante:Preparasaun ba Kongresu CNJTL Atinje Ona %85

Nia dehan, durante ne’e joven sira sei kontinua envolve iha grupo ilegál sira hodi hamosu konflitu to’o oho malu tanba ne’e tempu ona atu ema ida-idak persiza halo reflesaun hodi hakribi’it violénsia.

“Atu halo misaun ida presiza iha vizaun. Dala ruma organizasaun uja misaun no vizaun tau hanesan formalidade ida depois la’o tuir ita  ema nia hakarak no latuir vizaun no misaun”, tenik Juvito.

 Notísia Relevante:CNJTL Enkoraja Joven Sira Tenke Orgullu Nu’udar Timoroan

Amu Juvito profunda tan katak joven sira tenke kuda metin liafuan pás  iha sira nia moris hodi apoiu estadu atu hametin estabilidade nasionál. Tanba iha pás maka iha dezenvolvimentu.

“Ita durante ne’e la’o iha desorden nia laran tanba laiha misaun ida,”nia hatutan.

Jornalista  : Osória Marques

Editór  : Francisco Simes

HAKEREK NO HATÁN

Please enter your comment!
Please enter your name here