Funsionária Josefina M. Godinho. Imajen: Nelia Fernandes

DILI, 16 janeiru 2020 (TATOLI)-Klínika privada, “333 Clinic” nia ai-moruk sira mai husi Indonézia no Índia.

“Ai-moruk Xina-nian sorin de’it, restante mai husi Índia, Indonézia tanba agora ita-nia governu Timór, liliu parte Saúde sira la hatan ho ai-moruk husi Xina barak tanba língua, ne’ebé ai-moruk Xina ladun; barak liuhusi Indonézia ho Índia,” Funsionária Josefina M. Godinho ba Agência TATOLI, iha nia kna’ar fatin, Praia dos Coqueiros, Dili, ohin.

Nia informa mós katak ai-moruk  hirak ne’e la’ós husi rai li’ur, maibé ai-moruk hirak Indonezia ni’an; sosa fali husi Klínika Moris Foun. “Iha ai-moruk Indonézia nian iha ai-moruk amoxilin, Cotri, iha Cipro, paracetamol, ibuprofen”.

Iha “333 Clínica” ne’e, tuir nia, halo tratamentu ba ema boot no labarik ki’ik. Tratamentu ba moras akupuntur hanesan, ba ema ho AVS (Asidente Vaskulár Serebrál) kaman, ulun moras, kabas, ain hanesan sama rai ladi’ak.”Balun dadersan hader tun sama rai la di’ak, entuan presiza halo tratamentu”.

Funsionária ne’e hatutan, iha klínika ne’e iha mós laboratáriu ba hasai ran. “Agora ami-nia responsavel lisensa ba ema mate, ne’ebé agora ami sei taka, sei halo renovasaun hotu, ami loke fila fali. Halo tratamentu hanesan hasai ran, balun kona kolestrol ka diabetes, balun hakarak koko ran kompletu, balun HIV, hepatitis; bele Koko iha laboratóriu”.

Iha parte seluk, nia esplika, iha mós  laser rins fatuk, maibé agora la funsiona.  “Ami-nia doutór ba iha Bali, ne’ebé agora rins laser la funsiona ona, uluk ami sei iha Mandarim funsiona, maibé tanba agora doutor iha Bali, nia la mai entaun tinan ida ne’e laser rins nia paradu,” nia informa.

Kona-ba moras kulit, Funsionária Josefina M. Godinho hatan, moras kulit oin oin, katar iha modelu oioin, balun presiza sona, balun presiza hemu ai-moruk, kose pomada.

Rejistu Dolár Lima

Funsionária Josefina M. Godinho “333 Clinic” informa katak pasiente sira ne’ebé mak ba halo tratamentu saúde iha klínika ne’e kada ema ida rejistu dolár lima. Enkuantu, kustu ba konsulta depende ba moras pasiente sira nian.

Laboratóriu ” 333 Clinic” . Imajen: Nelia Fernandes

“Balun moras barak tenke hasai ran, tenke USG (Ultrasonografia), tenke sona; ne’e presu hanesan maibé ai-moruk de’it balun bele 35 dolár, balun 42 dolár, hanesan sona, USG aumenta ho ai-moruk bele to’o 50, balun 60 dolár”.

Nia esplika, moras akupuntur kada sesaun, kada ema ida ho presu dolár 60, laboratóriu ba ran hepatitis ne’e dolár 10, kolesterol kada item ne’e dolár 10 no hasai ran kompletu dolár 25. Laser rins, dala ida dolár 200.

Iha “333 Clinica”, Funsionária Josefina M. Godinho informa katak halo mós tratamentu ba moras mane no feto nian. “Feto moras hanesan ran mutin, hanesan mane mii sai araska, balun mii sai uitoan, mii sai moras no mii hotu moras; ne’e tenke halai ba sona, sona hotu bele selu, 50 balun 53 dolar no moras kulit 30, 35 dolar kada ema ida”.

“Ba moras ulun inklui akupuntur tenke selu 60 dolár, ne’e seida’uk inklui ai-moruk, balun mós bele to’o 100 dolár. Akupuntur uza kopu no ai-moruk hamutuk 100 dolár”.

Tuir mai, moras nehan, hanesan fase nehan 25 dolár, tratamentu 40 dolár, nehan falsu iha 60 no 80 dolár ne’e ba sobu no monta permanente; iha dolár 200 no 400 nian kada nehan ida.

Funsionáriu Timoroan Iha 11 

Entretantu, na’in ba ” 333 Clinic” mak sidadaun xinés Ding Zhimin. Iha klínika privada ne’e iha médiku na’in tolu-rua husi Xina (ida dentista) no Cubano ida. Inklui, funsionáriu timoroan hamutuk na’in 11.

 Iha Klínika privada “333 Clinic” halo tratamentu ba moras hanesan Moras kulit, Moras Interna, Nehan, Ulun Moras, Kakorok, Kabas, Kanotak, Ain, ho Isin Moras no Moras Feto, ho Mane, inklui Akupuntur, Laboratori, U-scan, Laser Rins Fatuk (ESWL).

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here