Diretora Ezekutivu ba Fundu Dezenvolvimentu Kapitál Umanu (FDCH, sigla portugés), Leila Carceres dos Santos. Imajen: FDCH

DILI, 15 janeiru 2020 (TATOLI) – Diretora Ezekutivu ba Fundu Dezenvolvimentu Kapitál Umanu (FDCH, sigla portugés), Leila Carceres dos Santos, hateten orsamentu tetu fiskál ho montante $23,8 millaun ne’ebé nia aprezenta hodi redús ba iha $13 millaun implika ba planu formasaun profesionál no formasaun téknika.

“Presiza ita hotu hatene orsamentu ba fundu ne’e alende bolsu estudu kobre mós formasaun ba funsionáriu públiku sira. Ne’eduni orsamentu eskluindo iha de’it $13 millaun ne’ebé redús halo ita retira hotu programa formasaun nian,” Leila Carceres dehan ba Agéncia TATOLI liuhusi entrevista iha Parlamentu Nasionál, kuarta (15/1/2020)

Maske orsamentu FDCH nian redús, nia hatutan, orsamentu ba bolsa ezistente nian mantein nafatin. Nia dehan, ida ne’e labele book tanba bele iha implikasaun makaas ba bolseiru sira ne’ebé astuda hela iha rai li’ur.

Kona-ba formasaun tékniku nian, nia infroma, antes ne’e kada ministériu sira propoin ninia funsionáriu na’in haat, presiza redús ba na’in tolu ka rua.

Entretantu, nia informa, FDCH iha programa prioridade haat mak trasa ona hanesan formasaun ba tekníku profesionál ba SEFOPE, formasaun tekniku ba INFORDEPE, Bolsa Estudu no apoiu formasaun ba Ministériu Justisa sentru formasaun jurídiku.

Notísia relevante:MESSK-FDCH Lansa Estájiu Profesionál Ba Eis-Bolseiru Sira

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here