Administradór Postu Administrativu Dom Aleixo, Tomas Barros. Imajén/Osória Marques

DILI, 15 janeiru 2020 (TATOLI)-Administradór Postu Administrativu Dom Aleixo Dili, Tomas Barros, hateten iha tempu badak  nia parte sei kria postu guarda iha kapitál Dili hodi fó seguransa ba negosiante sira ne’ebé dadaun ne’e fa’an iha estrada públiku hodi evita mosu engrafamentu ba transporte públiku.

“Iha tempu badak ami sei monta pos penjagaan iha dalan públiku ne’ebé negosiante negósia ba atu labele impede movimentu transporte hanesan iha rotunda Comoro,”dehan, Administradór Postu Administrativu foun ne’e, ohin iha ninia servisu fatin Fatuhada Dili.

 Notísia Relevante:Hamutuk Halo Timor Livre Hosi Lixu

Maibé tuir nia  antes atu ezekuta planu ne’e, dahuluk sei halo kordenasaun servisu ho jestaun merkadória Munisípiu Dili.

“Ha’u hanoin bainhira kordena tiha ho jestaun merkadória, ita presiza tau kontentór maizmenus metru 30 ba kotuk atu nune’e saneamentu rekolla lixu karik labele impede movimentu transporte,” nia akresenta.

Nia hateten, planu seluk tan maka sei muda fatin lixu sira dook hosi dalan públiku tanba durante ne’e akontese fo’er barak namkari iha estrada laran bainhira pesoál SAS sira rekolla tarde lixu sira.

 Notísia Relevante:Munisípiu Dili Planea Entrega Ba Setór Privadu Halo Jestaun Lixu

“Kontentór tenke tau do’ok tanba agora daudaun ita haree iha dalan públiku kontentór nakonu ho fo’er no hatudu imajén ne’ebé mak ladiak nune’e persiza esforsu ema hotu nian liliu komunidade sira-nia konsiénsia soe fo’er,”Nia hatutan tan.

Tanba ne’e, Administradór Dom Aleixo ne’e,  apela ba komunidade hotu ne’ebé hela iha ninia área juridisaun atu so’e fo’er iha fatin lixu  hodi evita fa’or namkari iha dalan públiku sira tanba sei estraga imajen nasaun nian.

Jornalista Osória Marques

Editór :Francisco Simões

HAKEREK NO HATÁN

Please enter your comment!
Please enter your name here