Profisionál Saúde Sira tuir formasaun. Imajen: Felicidade Ximenes

DILI, 15 janeiru 2020 (TATOLI) – Diretora Kooperasaun INS, Ivone de Jesus do Santos informa, Institutu Nasionál Saúde (INS) fornese formasaun jestaun problema bebé foin moris ba profisionál saúde sira iha Ospitál Nasionál Guido Valadares (HNGV).

”Institutu Nasionál Saúde, ohin, hahú uluk ona fó formasaun iha Ospitál Nasionál Guido Valadares husi unidade lima mak hanesan maternidade, pediátria, emerjénsia no mós neonatalojia durante loron sia nia laran,’’ Diretora Kooperasaun INS, Ivone de Jesus do Santos hateten ba jornalista sira bainhira ramata formasaun jestaun problema bebé foin moris ba profisionál saúde sira iha HNGV, ohin.

Iha formasaun ne’e, nia hatutan, formandu sira sei tuir teoria no mós pratika atu nune’e sira fokus liu oinsá atu jere problema bebé foin moris ho sira-nia maneira tuir padraun, atu nune’e bele redús taxa morbilidade no mortalidadade ba bebé ne’ebé foin moris.

Taxa morbilidade no maternidade sei aas nafatin iha Timor-Leste. Tanba ne’e Ministériu Saúde liuhusi INS atu hala’o esforsu hodi fó formasaun ba profisionál saúde sira em termos de klínika sira no mós meneveriál sira.

“Formasaun refere ho objetivu oinsá atu eleva koñesimentu husi ita-nia profisionál saúde sira ne’e no mós koñesimentu, abilidade. Formasaun ne’e forma sira-nia atitude oinsá atu sira presta sira-nia serbisu ne’ebé kualidade,” nia dehan.

Nia infroma, profisionál Saúde  sira ne’ebé mak tuir formasaun kona-ba jestaun problema bebé foin moris ne’e, hamutuk ema na’in 22.

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here