Komandante Polisia Munisípiu Dili, Superintendente Xefe, Armando Monteiro. Imajen/Eugénio Pereira

DILI, 14 janeiru 2020 (TATOLI)- Komunidade Aldeia Laulora, Suku Manleuana, Postu Administrativu Don Aleixo, Munisípiu Dili, domingu (12/01/2020), hetan kilat marka zetres  bainhira sira ke’e rai kuak atu halo uma.

Kilat ne’e entrega ona ba autoridade seguransa no daudaun ne’e Polisia Nasional Timor-Leste (PNTL) halo hela ezaminasaun hodi identifika kilat ne’e mai husi primeiru no segundu guerra mundiál ou funun invazaun indonézia mai Timor-Leste iha tinan 1975.

Komandante Polisia Munisípiu Dili, Superintendente Xefe, Armando Monteiro informa, polisia investigasaun nasionál sei halo ezaminasaun no kondisaun fízika kilat refere komesa ferrujen ona.

Komandante Armando, ohin, apela ba povu sira bainhira hetan materiál eskluzivu sira hanesan, kilat, granada no morteiru tenke informa ba polisia maka ba foti hodi evita materiál hirak labele rebenta hanesan kazu Munisípiu Luatem nian ne’ebé komunidade sira hili tiha granada antigu ida lori ba tuku halimar fali too rebenta no rezulta labarik balun kanek.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here