Primeiru-Ministru, Taur Matan Ruak, kaer liman ho Defensoria Públika Jerál, Câncio Xavier, iha Palásiu Governu. Imajen/António Goncalves

DILI, 14 janeiru 2020 (TATOLI) – iha tinan 2019, Ministériu Justisa liuhusi serbisu Defensoria Públika (DP) prosesa ona kazu krime iha territóriu laran tomak ho total 7.040 no kazu sivíl 257.

Notísia Relevante : 2019, Defensoria Publika Prosesa Kazu Krime 4,855

Defensor Publika, Câncio Xavier, informa, total atendimentu no andamentu prosesu tinan 2019 husi DP Munisipál Dili, Baucau, Covalima, Rejiaun Administrativa Espesiál Oe-Cusse Ambeno  (RAEOA), defensoria publika prosesa kazu sivíl no krime lubuk ida.

“Ha’u hanoin tuir relatóriu DP nian ba atividade tinan 2019 rejista kazu krime ne’ebé mak konsege prosesa ona ho total 7.040 no kazu sivíl 257,” hateten Câncio Xavier ba Ajénsia TATOLI, ohin, iha nia kna’ar fatin, Mascarinhas, Dili.

 Nia dehan, durante iha tinan 2019, DP rejista kazu krime foun ho total 2,508 no kazu sivíl 575, kazu krime arkivadu 1,110 no sivíl 162, kazu krime pendente ho total 360 no sivíl 1,091.

Notísia Relevante : Defensoria Públika Presiza Tan Veíkulu Operasionál

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here