Xefe Bankada CNRT, Duarte Nunes. Imajen Tatoli/Egas Cristóvão

DILI, 14 janeiru 2020 (TATOLI)—Proposta Orsamentu Jerál Estadu (OJE) 2020, Bankada Parlamentár CNRT sei akompaña didi’ak hafoin ezerse ninia direitu votu.

Xefe Bankada Parlamentár CNRT, Duarte Nunes, hateten sira sei akompaña debate no bainhira haree buat hotu-hotu la’o di’ak, ne’e laiha problema.

“Sé maka dehan vota kontra? Ita seidauk diskute nusá maka dehan vota kontra ona? Povu presiza orsamentu. Maibé, Parlamentu sei diskute tuir regra ne’ebé maka iha. Se buat hotu-hotu di’ak, la’o ba oin. Ne’ebé, ita-boot sira akompaña de’it. Aprova ka la aprova ne’e akompaña de’it”, nia dehan ba jornalista sira, iha resintu Parlamentu Nasionál, tersa ne’e.

Nia afirma, Bankada CNRT parese iha proposta, maibé depende ba deputadu sira iha plenária tanba plenária maka soberanu.

“En prinsípiu, ami haruka atu hatún, la’ós atu aumenta. Maibé, bele muda plafon hosi verba ida ba verba seluk” Duarte argumenta.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here