Ekipa Task Force DNSA Halo Melloramentu Bee-moos iha Motael, Dili. Imajen/Foti husi Kronolojia Facebook SAS Timor-Leste

DILI, 14 janeiru 2020 (TATOLI) – Ministériu Obras Públiku (MOP) husi Diresaun Jerál Água no Saneamentu (DGAS) liuhusi  ekipa task force Diresaun Nasional Servisu Água (DNSA) halo identifikasaun no manutensaun ba kanu distribuisaun bee-moos iha Dili laran tomak.

Notísia Relevante : Bee Moos iha Kapitál Dili Komesa Menus

Task Force DNSA Halo Melloramentu ba kanu distribuisaun Bee-moos. Imajen/Foti husi Kronolojia Facebook SAS Timor-Leste

Durante servisu task force nian ne’e identifika katak, distribuisaun bee-moos ba komunidade la ekilíbriu tanba kauza husi kanu barak kuak, ai-abut halo intúpidu ho mós kanu barak mak ferrujen no kotu.

Xefe Departamentu Abastesimentu Água, Francisco Pereira Xavier, ba Ajénsia TATOLI, ohin, iha nia servisu fatin, Dili, informa, ekipa task force ne’e loron-loron tuun ba halo observasaun no halo atendimentu manutensaun ba liña distribuisaun bee-moos no rezolve kanu sira ne’ebé mak tohar atu bele hadi’a total atu bele asegura fali bee-moos ba komunidade.

Francisco Pereira Xavier mós afirma, kreximentu komunidade  iha Dili laran kontribui mós ba distribuisaun bee-moos la sufisiente.

Notísia Relevante : 2020, SAS Kontinua Hadi’a Kanalizasaun Bee-Moos

Jornalista : Osória Marques

Editór       : Francisco Simões

 

 

HAKEREK NO HATÁN

Please enter your comment!
Please enter your name here