HNGV. Foto google

DILI, 14 janeiru 2020 (TATOLI)-Iha tinan 2019, reseita Ospitál Nasionál Guido Valadares (HNGV) hamutuk $294,264.31.

Diretór Administrasaun no Lojístika HNGV, Duarte Marçal Araújo informa katak reseita HNGV ne’e orsamentu boot liu mak rekolla husi VIP (Very Important Person) ho konsulta médika. Totál orsamentu husi VIP mak ho montante $111,420.20 no konsulta médika hamutuk $ 72,628.16.

Representante Diretór Jerál HNGV, Duarte Nunes. Imajen/ Tatoli Egas Cristovão

“Laboratóriu durante tinan-2019 hamutuk $33,018.95, amarela hamutuk $11,710.00, aluga fatin sentru matan hamutuk &4,620.00, sentru matan hamutuk 2,035.00, nifas hamutuk $1,511.00,” Diretór Duarte Marçal Araújo relata ba jornalista sira iha HNGV, ohin.

Ezekutivu ne’e hatutan, Fisioterapia rekolla orsamentu hamutuk $630.00, operasaun nian hamutuk 4,500.00, Raiu-X hamutuk $27,231.50, OPD (Out Patient Department) hamutuk $3,570.00,Sirurjia feto hamutuk $996.25.

Tuir mai, emerjénsia hamutuk $8,658.35, interna hamutuk $1,361.00, sirurjia mane hamutuk $881.50, atestadu médiku hamutuk $3,400.75, dentaria hamutuk $40.00, maternidade hamutuk $4,183.75.

Moras mentál hamutuk $221.40, pediátria hamutuk $416.50, Windows hamutuk $150.00, ICU (Unidade Kuidadu Intensivu, sigla inglés) hamutuk $480.00, perinatolojia hamutuk $100.00.

Enkuantu, rekolla husi estudante estajiáriu sira-ISC (Instituto Superior Cristal) hamutuk ho montante $500,00.

“Estudante sira ne’ebé mak halo prátika iha ne’e mós selu hanesan UNITAL , ICS, UNTL, INS no sira selu pakote ida mil dolares ba administrasaun no selu iha konsellu nian osan hirak ne’e hatama ba kofre estadu nian no ami konsellu sira la iha hanoin katak osan ne’e ami atu fahe ba malu ne’e lae maibé osan ne’e ita hatama ba kofre estadu,” nia haktuir.

“Maibé iha planu ba oin atu hadi’a reseita ne’e mak agora ita hein bainhira aprova orsamentu jerál estadu ami hakarak hadi’a hotu haris fatin sira iha ospitál ne’e atu foun hotu no VIP ami hakarak loke tan kuartu haat ne’e ita bolu dehan Very Very Important Person (VVIP) ba ita-nia membru Governu sira ami halo kuartu haat maibé ida ne’e nafatin selu”.

Alende ida ne’e ba tinan-2020, Diretór Administrasaun no Lojístika HNGV, Duarte Marçal Araújo hateten, sei haree di’ak liután ba rezeita sira ne’e maibé orsamentu hirak ne’e ita tau iha kofre estadu nian.

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here