Hakerek na'in Domingos da Costa

Husi Domingos da Costa*)

Introdusaun
Jeografikamente Nasaun Timor-Leste hatu’ur iha Sudeste Áziatiku, iha Arkipélagu Indonéziu nia Osidente no iha Austrália nia Nordeste. Baibain koñesidu ho dalen Inglés nu’udar East Timor. Nasaun Timor-Leste ne’e inklui parte orientál Illa Timór nian, hamutuk ho enklave Oe-Cusse iha rai-Timór Osidentál, illa Ataúru iha Dili nia oin no mós illa [rai-kotun] Jaco iha Ponta-Leste [Lautem-Lospalos] rai Timór nian.

Maske rai Timór komparativamente ki’ik ho kilómetru kuadradu 15.000, illa ne’e iha rai-foho barak tebes. Istória koloniál rai-Timór nian bele trasa ba kotuk to’o prinsípiu sékulu sanulu-resin-neen (XVI), bainhira misionáriu Olandés no Portugés sira halo kontaktu ho illa ne’e ba dala uluk. Kontaktu ne’e aumenta hetok iha sekulu ne’ebé tuir mai no ema Portugés sira buka atu hametin sira-nia kontrolu ba territóriu, hodi esplora rekursu naturál sira hanesan ai-kameli.

Maibé, foin iha sékulu sanulu-resin-sia (XIX) nia klaran de’it mak rai-Portugál no rai-Olanda hahú halo negosiasaun hodi fahe illa ne’e ba parte rua, no deliniasaun finál ba territóriu ramata iha prinsípiu sékulu ruanulu (XX). Portugés sira kontrola illa ne’e nia rohan iha parete Leste ho mós enklave Oe-Cusse, enkuantu Olandés sira kontrola Timór Osidentál hamutuk ho restu arkipélagu.

Soberania Timor-Leste
Rekizitus rai ida atu sai Nasaun ida mak, iha rai (teritorial), iha Povu, iha Governu ou orgaun soberania sira no rekoñesimentu internasional. Atu governa nasaun ida presiza iha lei inan (Konstituisaun) atu bele garantia, ordena no fó poder ba orgaun soberania sira hodi bele ezerse nia funsaun tuir konstituisaun haruka. Tamba, iha nasaun ida soberania mak as liu tuir lei hakerek.

Matenek na’in Jean Bodin hateten katak soberania iha propriu karakteristikas mesak, orijinal, duravel no la hafaek. Determina soberanian Nasaun nian haree husi parte sira ne’ebé mak iha poder hodi estabelese ukun tuir kompetênsias kada orgaun soberania sira. Kuandu poder as liu determina husi povu, entaun soberania iha povu nia liman no povu mak na’in ba soberania.

Ho nune’e, estadu lahamriik mesak maibé sadere iha soberania ne’ebé povu fó, liu husi kontratu sosiál, mak elisaun demokratika sira hodi hili liuhsi partidu no ou individu ba orgaun soberania sira seluk, husi reprezentante povu nian iha orgaun sira Nasaun nian maka legislativu, ezekutivu no yuridikativu hodi deside nasaun no povu nia futuru.

Tanba ne’e, orgaun soberanu sira sai objeitu abrangencia nasaun nian no nasaun labele eziste sem orgaun soberania sira, porque husi orgaun soberania sira mak sei iha poder hodi organiza Nasaun ida tuir interrese komum.

Fronteira Tasi Timor Leste
Timor-Leste mak nasaun kiik ida, nasaun kosteiru iha Sudeste Aziátiku, entre viziñu marítima boot rua husi parte norte, oeste no leste iha aikipélagu Indonézia nian. Ba sul iha kontinente Austrálianu ne’ebé boot loos, besik 300 millas naútikas iha Tasi Timor. Agora daudaun la iha fronteiras marítimas permanente entre Timor-Leste no ho nia viziñu sira, Austrália no Indonézia. Nune’e nu’udar Estadu independente foun ida iha seklu XXI, ida ne’e prioridade ida ba Timor-Leste atu kompleta nia soberania no estabelese nia fronteira iha rai no tasi.

Nasaun ida hanesan Timor-Leste nia luta ba soberania ba nia tasi–husi pasadu mai to’o prezente, no nia signifika ne’ebé kle’an ba Timor-Leste nia futuru. Atu halo klaru no tau iha kontestu ba kestaun kompleksu ida ne’e, prinsípiu hirak ne’ebé relevante ba lei tasi nian no fó sai Timor-Leste nia pozisaun kona-ba nia fronteiras marítimas permanente tuir lei internasional.

Porque Tasi mak zona ne’ebé importante liu ba unitariu no unifikador, meus defeza no seguransa maibé sai importante liu mak tasi sai meius ba benefisiu ekonomiku iha prosperiadade no bem-estar nasaun nian por poténsia rekursu tasi nian ne’ebé fó benefiasadu. Rekursu no rikusoin tasi nian sai grande importantissimu ba ekonomia Timor-Lesste, tanba ne’e importante duni presiza atu determina permanente ho dura-duro linha fronteira entre tasi ho nasaun viziñu sira hotu.

Zona Ekonómia Ekskluzivu
Zona Ekonómia Ekskluzivu mak zona ne’ebé ho komprimentu ba tasi laran ho luan 200 mila naútikas husi tasi ninin nasaun nian ou liña baze tasi ninin. Iha zona refere nasaun ne’ebé ho tasi iha direitu tomak ba rikusoin tasi nian ou direitu ba rekursu tasi nian, no iha poder lejitimu atu uza desizoens politíkas no lei sira atu bele iha atividades hanesan; liberdade navigasaun, liberdade uza aeiro, realiza peskas ou inplantasaun kabu no kano, iha direitu tomak atu halo esplorasaun ba rekursu sira, núne’e mós iha ZEE nasun ho tasi iha diritu ekskluzivu ba esplorasaun no iha direitu juridiku ba;

1. Halo no uza illa artifisial, instalasaun no dezenvolvimentu
2. Peskiza siéntifika área tasi nian
3. Protesaun no preservasaun iha tasi

Zona Ekonomi Eksklusivu (ZEE) Timor-Leste maka zona kostitui área tasi nian ne’ebé iha potensia rikusoin tasi nian ne’ebé boot. Importansia potensia sira rekursus tasi nian hirak ne’e, governu ou orgaun soberania sira ratifika ona Lei internasional no produz Lei nasional lubuk hodi bele organiza, orienta, depende no proteze rikusoin no soberania nasaun Timor-Leste tuir interese komum. Lei Maritima ne’ebé orgau soberania Timor-Leste produz mak, Lei maritima No. 7/2002 no Lei ratifikadu mak Lei internasional kona-ba Tasi mak United Nations Convention on the Low of the Sea (UNCLOS).

Bazeia ba regras iha ZEE katak direitu absoluta (souvereign right) iha lei internasional UNCLOS (United`Nations Convention On The Law Of The Sea) tasi nian ne’ebé hateten katak Nasaun ho tasi iha soberania absoluta atu halo eksplorasaun no konservasaun ba rekursu sira iha tasi mak partense.

Asuntu tasi ne’e vinkuladu ona iha lei sira internasional no nasionál ne’ebé defini katak ZEE Timor-Leste nian mak zona partense ou adjacente ho tasi teritorialmente, ne’e hatudu katak ZEE nia lokalizasaun fora husi teritoriu Nasaun ou Zona refere la partense ba soberania Nasaun nian, maibé Nasaun ho Tasi sira, iha direitu no juridisaun sira adekuadu hodi fó dalan atu bele jere rekursu sira tasi nian. Maske núne’e, iha ZEE refere direitu no liberdade husi nasaun seluk mós hetan rekoñesidu.

Refere ba Artigo 55 UNCLOS, ne’ebé hanaran zona ekonomi ekskluzivu maka: The exclusive economic zone is an area beyond and adjacent to the territorial sea, subyect to the specific legal regime establish in this part, under which the rights and jurisdictionof the coastal state and the rights and freedom of other states are governed by the relevant provision of the convention.

Largura de zona ekonomi ekskluzivu, haforsa iha Artigo 57 UNCLOS hanesan tuir mai; “…The exclusive economic zone shall not extend beyond 200 nautical miles from the baselines from which the breadth of the territorial sea is measured”.

Konvensaun Kona-ba Zona Tasi Teritoriál no Zona Tasi Kontigua
Definisaun kona-ba zona tasi kontigua mak tasi ne’ebé iha iha margen fora husi tasi territoriál no laliu 24 mil naútikas husi lina baze. Iha zona adisionál ne’e poder nasaun nian iha limitasaun para atu prevene no impede violasaun sira ne’ebé mak akontese hasoru alfandegariu, imigrasaun, taxa ba fiscal no pesca illegal sira iha tasi.

Defenisaun kona-ba zona tasi teritoriál mak tasi ne’ebé iha margen fora husi lina baze la liu husi 12 mil naútikas. Iha tasi territoriál ne’e soberania nasaun ne’e absolutamente inklui aeiro iha tasi ne’e nia leten. Autorizasaun pasajem espesiál ba naviu estranjeiru sira ho intensaun dame.

Assuntu ne’e regula ona iha Lei No. 7/2002 ne’ebé hateten katrak;

Artigo 5; Mar Territorial
O limete exterior do mar territorial de Timor-Leste é defenido por uma linha em que de cada um dos pontos se situa a uma distância de doze milha naúticas do ponto mais próximo da linha de baze.

Artigo 6; Zona Contigua
O limete exterior do zona contigua de Timor-Leste é defenido por uma linha que de cada um dos pontos se situa a uma distância de vinte e quatro milha naúticas do ponto mais próximo da linha de baze.

Artigo 7; Zona Económica Exclusivo
O limete exterior da zona económia exclusivo de Timor-Leste é defenido por uma linha que de cada um dos pontos se situa a uma distância de duzentas milha naúticas do ponto mais próximo da linha de baze.

Iha Lei refere hateten ZEE maka raia (Jalur) ne’ebé fora husi fronteira ho baliza tasi Timor-Leste nian ne’ebé determina tuir Lei Nasionál no Internasional mak ratifika hodi kobre tasi okos, rai iha tasi laran no tasi leten ho fronteira eksternu 200 mil nautikas husi linha baze tasi territorial. Alem disso, direitu ba eksplorasaun, konservasaun no tratamentu ba rekursus tasi nian ne’ebé permanente no la premanente.

Relasaun ho direitu hirak mak sita iha leten, iha deseju hodi utiliza ho optimu atu aproveita nia valores ekonomiku no kontinua kuidadu rekursus sira mak iha, hodi evita husi atividades ilegal husi nasaun sira seluk atu estraga no la fó benefisia ba Timor-Leste. Ho Lei hirak ne’e fó mós vantajen ba Estadu Timor-Leste atu proteje nafatin rekursu sira tasi nian mak sei fó moris di’ak ba nasaun no povu iha futuru ho prosperu.

Rekursu Sira iha Tasi Ba Ekonomia Timor-Leste
Maske nune’e, dezenvolvimentu area tasi nia seidauk optimu. Iha prosesu dezenvolve ekonomia Timor-Leste, em kauza desizaun hotu mak kona-ba tratamentu rekursu tasi nian, governante haluan no nunka aposta. Parte dezenvolvimentu tasi ne’e ita presiza haree katak to’o tempu ne’e laiha desizaun sira Governu nian ne’ebé iha parte rekusu tasi nian (ikan, au-ruin, no seluk-seluk tan) mak sei fó rezultadu ekonomia no polítika alende Petroleo.

Iha prosesu ida ne’e, ita timoroan konsente katak dezenvolvimentu parte tasi seidauk hetan antensaun husi programa Governu nian hodi implika dezenvolvimentu area tasi ba ekonomia diferensa boot husi dezenvolvimentu rai maran.
Ho nune’e, atu to’o nasaun ho ekonomia bazeia ba iha tasi, presiza dezenvolve polítika ba tasi Timor-Leste ho di’ak no estruturadu. Atu hodi bele sai Nasaun ho politika no planu ne’ebé di’ak ba setor sira hanesan; industria ba peskas, turizmu kultural baze iha tasi, eksplorasaun ba minerasaun, industria maritima, transportasaun maritima, dezenvolvimentu iha tasi no meritu maritimu.

*) Hakerek na’in estudante UNPAZ, Fakuldade Direitu, Semester lima (V)

HAKEREK NO HATÁN

Please enter your comment!
Please enter your name here