Ministra Edukasaun, Juventude no Desportu Dulce de Jesus Soares .Imajen/TATOLI

DILI, 13 janeiru 2020 (TATOLI) – Ministra Edukasaun, Juventude no Desportu, Dulce de Jesus, simu despaisu husi Primeiru-Ministru hodi asumi knaar nu’udar Prezidente ba komisaun eventu

á

l interministerial kona-ba konferénsia da Ministru Juventude no Jogu desportu entre Comunidade País Lingua Portuguesa (CPLP).

Ministra Edukasaun, Juventude no Desportu (MEJD) Dulce de Jesus Soares, infroma eventu ne’e sei realiza iha Timor-Leste iha ullu tinan ne’e. Eventu rua ne’e, nia dehan, hahú hetan ona atensaun husi membrus VIII governu Konstitusionál tanba atividade ne’e iha relasaun ho kompeténsia Ministériu sira nian.

Bazeia ba despaisu ida ne’e, nia dehan, Ministériu Edukasaun hamutuk ho Ministru no Sekretáriu Estadu sira hasoru malu ona hodi fahe serbisu ba malu atu bele realiza eventu ne’e ho di’ak.

“Eventu ne’e involve ministériu hitu no sekretáriu estadu tolu, ami ko’alia kona-ba preparasaun estabelesimentu ekipa tekníku ne’ebé ba oin sei lidera husi Sekretáriu Estadu Juventude Desportu atu nune’e iha enkontru daruak ne’ebé sei realiza iha 3 fevereiru tinan ne’e sei aprezenta preparasaun sira ne’e,” dehan Dulce de Jesus iha Salaun Enkonru MEJD, Vilaverde, Dili, ohin.

Ekipa tekníku ne’ebé sei halo serbisu, nia hatutan, sei identifika detallu problema ka nesesidade saida mak presiza prienxe atu kompleta preparasaun sira. Ne’eduni, tuir nia, delegasaun husi liña ministeriais ne’ebé mak involve an ona iha ekipa tekníku ne’e sei ajuda malu.

Nia dehan, kona-ba kampu Stadiun Munisipal, genaziu no kampu volybol praia sei iha hela faze konstrusaun. Maibé, nia dehan, tuir informasaun husi SEJD molok eventu jogu CPLP ne’e realiza iha 12 jullu 2020, infraestrutura sira ne’e sei konklui hodi apoiu eventu ida ne’e.

Tuir informasaun, nia infroma, partisipantes ne’ebé mak sei tuir enventu jogu desportivu ne’e ema kuaze rihun ida resin. Maibé husi pais CPLP de’it.

“Agora atu hetan klarifikasaun detalladamente liután antes fulan janeiru nia rohan, bele iha ona estimasaun ba númeru sira ne’e,” nia esplika.

Jornalista : Tomé Amado

Editór       : Rafy Belo 

HAKEREK NO HATÁN

Please enter your comment!
Please enter your name here