Sekretáriu Estadu Juventude no Desportu, Nélio Isaac Sarmento. Imajen Egas Cristóvão

DILI, 13 janeiru 2020 (TATOLI) – Sekretáriu Estadu Juventude no Desportu (SEJD), Nelio Isaac Sarmento, hateten jogu desportiva sira entre Comunidade dos Países da Língua Portuguesa (CPLP) ne’ebé sei realiza iha Timor-Leste hahú 12 jullu 2020 ne’e, ekipa TL konfirmadu ona sei hatun ninia modalidade ualu de’it.

“Ita iha modalidade ualu de’it mak sei hatun iha jogu desportiva CPLP ne’e mak Football, Volley Praia, Taekwondo, Xadres, Karate, Basket 3 on 3 no tenis kampu,” dehan Nelio Isaac iha enkontru entre liña Ministeriál sira iha salaun enkontru MEJD, Vila Verde, segunda (13/01/2020).

Nia haktuir, razaun TL bele prienxe de’it modalidade ualu ne’e tanba em termos de estrutura ba jogu sira ne’e bele asegura signifika TL iha ona preparasaun. Ne’eduni, kona-ba kampu jogus desportivu basket, Taekwondo, Karate no voly praia nian asegura ona.

“Ita garantia ona Genaziu Gedung Matahari terbit (GMT) no kampu Voly Praia sei iha hela faze rehabilitasaun no sei termina ka ramata iha fulan Abril nia laran,” nia infroma.

Entretantu, Diretór Desportivu SEJD, João Rodrigues, esplika modalidade ne’ebé mak TL antes ne’e aprezenta ona iha Angola no hetan ona aseitasaun. Ne’eduni, tuir nia, sei uja mós atletizmu ba defisiente Fizíku sira, basketball 3 por 3, futebol masculino, Taekwondo masculino no femenino, xadres no tenis kampu.

Nia informa, husi modalidade ne’ebé determina entaun kada pais estadu membru sira ninia totál kontijente ne’ebé mak sei partisipa iha eventu ne’e hamutuk ema 92.

Notísia relevante:MEJD Preve $2,2 Millaun Ba Eventu CPLP

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here