Passaporte elektroniku Komum kor mean no Diplomatiku kor metan. Foto/espesial

DILI, 13 janeiru 2020 (TATOLI)-Diresaun Nasionál Rejistu no Notariadu (DNRN), Ministériu Justisa, durante tinan 2019 liubá rekolla ona reseita millaun $ 1.516,275 ba konfre estadu hosi atividade emisaun passaporte ba sidadaun.

Diretór Nasionál Identifikasaun Sivíl no rejistu Kriminál, Victor da Costa Neto, informa durante tinan kotuk konsege halo emisaun passaporte komun ba sidadaun hamutuk 25.475.

“Ami fó atendementu passaporte iha Dili ba ema  21. 853 ho montante $1. 355. 975, Bobonaro 1. 427 ho montante $ 35. 400 no RAEOA 807 ho montante $ 18. 575,”dehan, Diretór Victor da Costa Neto, ba TATOLI, iha ninia servisu fatin Bebora Dili.

Enkuantu, taxa hosi passaporte diplomatiku ba sidadaun 234 no passaporte servisu  1.154  hamutuk  $ 86. 525.

Nia hateten, emisaun passaporte servisu no diplomatiku hala’o iha Dili de’it, maibé iha Munisípiu Bobonaro no Rejiuan Autónomu Espesiál Oé-Cusse Ambeno(RAEOA) fó atendementu ba passaporte komún.

“Ami la-atende passaporte diplomático no servisu iha Munisípiu rua tanba iha nia regra no prosedimentu rasik ne’ebé seidauk bele delega ba Munisípiu sira. Tenik Diretór.

DNRN dadaun ne’e, loke ona atendementu  hodi halo emisaun passaporte ba sidadaun iha Munisípiu Dili, Bobonaro no RAEOA. No tuir planu iha tinan 2020 sei estabelese tan fatin foun lima iha munisípiu lima seluk tan.

“Ita-nia sidaudaun sira atu asesu ba passaporte ne’e ami atende iha fatin tolu maibé fatin ida ne’ebé mak halo produsaun no asina passaporte mak iha Diresaun Jerál rejistu notariadu nian de’it,”tenik tan.

 “Munisípiu lima  atu monta hotu ona fasilidade kompletu, falta Ermera mak seidauk monta maibé ekipamentu kompletu hotu ona no hein atu monta depois hein halo lansamentu mak foin utiliza no atende públiku hodi halo passaporte,”katak Nia.

Jornalista Osória Marques

Editór :Francisco Simões

HAKEREK NO HATÁN

Please enter your comment!
Please enter your name here