Tribunál Distritál Dili. Imajen/TATOLI

DILI, 10 janeiru 2020 (TATOLI) – Tribunal Distritál Dili (TDD), sest (10/01/2020), hala’o primeira interrogatóriu ba arguido AB ne’ebé komete kazu krime insestu hodi halo violasaun seksuál ba nia oan rasik.

Kazu ne’ebé akontese iha 29 dezembru 2018, iha area balun iha Dili laran ne’e, rezulta vítima ne’ebé sei ho idade menór trauma, tanba nia aman rasik  ne’ebé MP notifika hanesan arguido mak halo hasoru nia.

Tuir MP nia akuzasaun mós relata katak, antes ne’e, arguido AB mós halo abuzu seksuál ba nia oan feto boot, maibé vítima nia inan  (arguido nia fen) la halo keixa no nonook ho de’it. Maibé, ba dala rua ne’e, halo hikas hasoru nia oan ba feto da-tolu (anak ke tiga) ho idade tinan 12, maka vítima nia inan la aguenta ona hodi halo kedas keixa.

Defeza João Carvalho informa, iha primeiru interrogatóriu ne’e Ministériu Públiku akuza arguido ho krime Abuzu Seksuál ba menór ho natureza violénsia doméstika, ne’ebé konsidera mós hanesan krime insestu. Nune’e, Ministériu Públiku hato’o pedidu ba Tribunal atu aplika prizaun preventiva (PP) ba arguido. Mas, defeza husu TIR (Termo Identidade Residençia)  tanba haree ba arguido nia arrependimentu.

Audiénsia primeiru interrogatóriu ba kazu krime insestu ne’ebé taka ba públiku ne’e prezide husi juis Maria Modesta, parte Ministériu Públiku reprezenta prokuradór Estajiáriu no arguido hetan asisténsia legál husi Defensór Públiku, João Carvalho.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here