Makina Litotripsia. Imajen: Google

DILI, 10 janeiru 2020 (TATOLI)-Ospitál Nasionál Guido Valadares (HNGV) iha ona mákina tiru fatuk iha ema nia isin-lolon. Makina ne’e mak litotripsia, apoiu husi governu Xina.

Diretór Servisu Apoiu Diagnóstiku no Terapeutiku HNGV, Mendes Pinto, governu Xina apoiu alende makina MRI inklui mós litutripsia, endoskopia. Sasan hirak ne’e seidauk monta tanba ita-nia fatin seidauk iha.

 “Makina liotripsia ne’e hanesan tiru ita-nia fatuk sira iha ita-nia laran ne’e no ita-nia fatin seidauk iha atu monta,” Diretór Mendes Pinto hateten, ba Ajénsia TATOLI iha serbisu fatin, HNGV, ohin.

Mendes Pinto informa, makina sira ne’e foin mak monta mak autoclaf ho MRI (Magnetic Resonance Imaging) ka imajén resonánsia magnétika. Ninia instalasaun ramata ona no mós treinamentu ba funsionáriu sira mós ramata ona horseik (kinta) no agora ita hein atu uza de’it ona.

Matéria ne’ebé mak fó treinamentu ba funsionáriu sira iha radiolojia ne’e mak oinsá atu operasaun ba makina sira ne’e ezemplu hasai oinsá atu opera ema. “Makina ne’e mai iha fulan setembru tinan-2019 no monta ramata iha janeiru tinan ne’e”.

“Makina ne’e prepara hotu ona no fó treinamentu hotu ona maibé seidauk opera ema se ema iha ona ita hahú opera maibé agora seidauk opera ema,” Diretór Servisu Apoiu Diagnóstiku no Terapeutiku, Mendes Pinto, konklui.

 Jornalista    : Felicidade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here