Udan no anin boot ne'ebé akontese iha loron 05 fulan janeiru 2020 halo ai-hun ida tohar hodi hanehan kioske ida iha Bairru Maucale, Suku Bahu, Postu Administrativu Baucau Vila, Munisípiu Baucau, hetan estragu. Akontesimentu ne'e la rezulta ema mate no kanek, maibe sasan sira iha kioske nia laran rahun hotu. Imajen/Foti husi kronolojia Facebook Helder Manuel Gde

DILI, 10 janeiru 2020 (TATOLI)-Udan no anin boot ne’ebé akontese iha territóriu nasionál durante loron 3 to’o loron 7 fulan janeiru, foin lalais ne’e, sobu uma 51 iha Munisípiu Baucau.

Prezidente Autoridade Munisípiu Baucau, António A. Guterres. Imajen/TATOLI

Husi númeru ne’e, uma 26 naksobu iha Postu Administrativu Baucau vila, uma hitu (7) iha Postu Administrativu Laga, Postu Administrativu Baguia uma ida (1), Postu Administrativu Venilale uma 16, Postu Administrativu Vemasse uma ida (1) ho Postu Administrativu Quelicai nian balun mas seidauk iha dadus loloos tanba seidauk iha relatóriu ofisial.

Prezidente Autoridade Munisipiu Baucau, António Augusto Guterres,  ba Ajénsia TATOLI via telefone, sesta (10/01/2020), informa,  udan ho anin mós sobu komunidade nia plantasaun balun.

“Pontu fokál Dezastre Naturaís Munisipál nian, daudaun ne’e, kontinua verifika hodi hatene loloos estragu ne’ebé iha ho nia kategoria,  nune’e bele fó apoiu rekuperasaun,” informa António Guterres.

Nia hatutan, komunidade afetadu hirak  ne’e balun hetan ona apoiu emerjénsia no balun sei dauk hetan, tanba  ne’e iha tempu badak sei kontinua fó apoia emerjénsia mós. Udan no anin boot ne’ebé akontese la rezulta komunidade mate ou kanek.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here