Ekipa Task Force DNSAS hadi’a Kanalizasaun bee-moos. Imajen MOP-DNSAS

DILI, 09 janeiru 2019 (TATOLI)-Sentru Formasaun Jurídiku Judisiária (CFJJ-sigla portugés) Caicoli Dili, durante semana ida ona falta bee moos  hodi difikulta nesesidade bázika funsionáriu sira-nian bainhira atu soe fo’er boot tenke fila ba uma.

Diretór SFJJ, Antonino Gonçalves, hateten durante tinan kotuk prosesu forñesementu bee moos ne’ebé Servisu Agua no Saniamentu Munisípiu instala ona  antes ne’e la’o di’ak hela, maibé akontese hahú inisíu fulan-janeiru bee maran to’o kinta ohin.

“Oras ne’e dadaun be’e la iha funsionáriu kuaze hamutuk na’in 30 hanesan ne’e, tenke halai ba buka fali sintina iha fatin seluk, ho razaun la iha be’e mak konsidera prejudika serbisu CFJJ nian,” Diretór SFJJ, Antonino Gonçalves, hato’o preokuapasaun ne’e ba Agência TATOLI,kinta ohin, iha Caicoli.

Atu solusiona problema ne’e, Diretór  ba sentru formasaun ne’e esplika haruka ona karta koñesementu ba Ministériu Justisa atu rezolve lalais situasaun ne’e.

Nia relata atu responde nesesidade instituisaun nian liliu bee moos ba dadaun ne’e pessoál hosi  Kompaña PAX maka buka inisiativa hodi kuru bee moos hodi ense ba tanke sira.

Entretantu, Kompaña PAX maka manan tenderizasaun hodi halo limpeza ba edifísiu Sentru Formasaun Jurídiku Judisiária Caicoli.

Jornalista : Domingos Piedade Freitas

Editór :Francisco Simões

HAKEREK NO HATÁN

Please enter your comment!
Please enter your name here