Prezidente Autoridade RAEOA-ZEESM, José Luís Guterres ‘Lugu’. Imajen Tatoli/António Gonçalves.

DILI, 09 janeiru 2020 (TATOLI) – Prezidente Rejiaun Administrativa Espesiál Oé-Cusse Ambeno (RAEOA) – Zona Ekonomia Espesiál Sosiál Merkadu (ZEESM), José Luís Guterres ‘Lugu’, hateten iha tinan 2020 fó prioridade ba projetu bee-moos.

Proposta foun RAEOA-ZEESM hamutuk millaun $127,206 (antes ne’e millaun $26,086,016), kompostu hosi saláriu no vensimentu millaun $8,819 (mantein), bens no serbisu millaun $14,484 (mantein), transferénsia públika millaun $2,783 (mantein), kapitál menór $520.000 (antes ne’e Zero), no kapitál dezenvolvimentu millaun $100,599 (antes ne’e zero).

“Ein partikulár água potável ba ita-nia populasaun, tanba sira husu barak mak bee iha rai Oé-Cusse no hadi’a eskola. Ita tau iha kapitál dezenvolvimentu atu dezenvolve infraestrura”, informa LUGU hafoin audiénsia ho Komisaun E (Infraestrutura) iha Parlamentu Nasionál (PN), kinta ne’e.

Nia esplika, daudaun ne’e RAEOA-ZEESM sei utiliza saldu ne’ebé mak iha hafoin PN fó autorizasaun.

Lugu subliña, Autoridade agora sei kontinua projetu ne’ebé konstrui iha tempu mandatu Prezidente Autoridade sesante, tanba nia rasik konsidera kontinuidade hanesan buat normál ida iha prosesu dezenvolvimentu

“Dalaruma ita selu obra ne’ebé halo maibé hanesan kontinuidade, la’ós hotu iha tinan ida tanba hanesan projetu multi-annuál. Projetu sira sei la’o hela no ami sei halo buat hotu atu kontribui ba kontinuidade projetu no mós bainhira iha obra ruma mak halo presiza, ami sei halo”, nia akresenta.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here