Adjuntu Autoridade Munisípiu Dili, Joseé Filipe Smith. Imajen/Egas Cristovão

DILI, 08 janeiru 2019 (TATOLI)-Adjuntu Prezidente Autoridade Munisípiu Dili, José Ximenes Smith, informa, kondisaun merkadu Manleuana, daudaun ne’e,  laiha ona espasu atu akumula hotu vendedór sira.

Jeca Smith dehan, Jestaun Merkadoria Munisípiu Dili, rejista ona vendedór purvolta 500-resin maka daudaun ne’e okupa fatin públiku no estrada ninin hodi fa’an sira nia produtu. Maibé, espasu iha Merkadu Manleuana bele akumula de’it vendedór purvolta 100-resin.

“Ami identifika ona fatin iha Merkadu Maleuana, maibé iha baraka 140 de’it, agora totál vendedores purvolta 500. Entaun sei presiza tan fatin maibé sei hein osan bainhira aprova ona,”  tenik Administradór Interinu ba Postu Administrativu Don Aleixo, Jeca Smith, ba TATOLI, iha Matadoru Dili, kuarta (08/01/2020).

Antes ne’e, Munisípiu Dili alerta ona ba vendedór fa’an roupa uzadu (obralan) iha Ai-mutin, Comoro, atu muda ba Merkadu Manleuna, maibé to’o ohin seidauk realiza tanba laiha ona espasu atu akumula vendedór hotu.

Munisípiu Dili mós identifika  ona vendedór balun abandona sira nia fatin iha Merkadu Manleuana ho Taibesi hodi fila ba fa’an iha dalan públiku.

“Vendedor sira ne’e ita hatene hela sira nia fatin fa’an iha merkadu no uluk sira simu ona save odamatan nian, maibé tanba sá mak sira kontinua fa’an iha dalan públiku,”  tenik Jeca Smith.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here