Prezidente Autoridade RAEOA-ZEESM, José Luís Guterres ‘Lugu’. Imajen/António Gonçalves.

DILI, 07 janeiru 2020 (TATOLI) – Prezidente Autoridade Rejiaun Administrativa Espesiál Oe-Cusse Ambeno (RAEOA), José Luis Guterres, informa RAOEA kontakta ona investidór internasionál atu investe iha transporte marítima.

“Kona-ba ró, saida maka ami halo agora ne’e maka ami iha ona kontaktu ho setór privadu internasionál, ne’ebé sira prontu atu lori sira-nia ró mai. Ita fó de’it lisensa no selu de’it billete no sira la presiza tan buat seluk”, Prezidente Autoridade RAEOA hatete iha Parlamentu Nasionál, ohin.

Nia afirma, razaun kontrata tan transporte marítima ne’e atu redús oras viajen hosi Dili bá Oe-Cusse no Oe-Cusse mai Dili.

“Objetivu hosi ita kontrata tan ró mai ne’e para redús tempu Dili bá Oe-Cusse agora oras 12, ne’ebé pelumenus halo buat hotu hodi redús tempu ne’e pelumenus metade”, Lugu dehan.

Tuir Lugu katak, fulan tolu investidór sira ne’e sei to’o ona iha Timor-Leste hodi diskute di’ak liután.

Investidór sira ne’ebé RAEOA kontakta ona ne’e mai hosi Singapura no Xina.

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here