Advogadu privadu, Pedro Aparício. Imajen/Dencio

DILI, 07 janeiru 2019 (TATOLI)-Tuir observasaun jurista Timoroan, Pedro Aparício Guterres, nota katak durante tinan 2019, governu hahú la halo ona intervensaun polítika ba servisu juíz sira Tribunál bainhira halo prosesu julgamentu ba kazu sira ne’ebé involve membru governu.

“Ha’u hare, to’o agora governu la halo intervensaun ba serbisu judisiál nian, liliu ba prosesu hirak ne’ebé mak karik envolve membru Governu iha laran,”dehan, Advogadu Privadu, Pedro Aparício Guterres, ohin iha Tribunál Distritál Dili, depois halo konsultasaun ba kazu sivíl balun.

Nia dehan, ijemplu ida maka, durante ne’e,  membru governu da-ualu sempre koopera no hatan notifikasaun Tribunál nian hodi presta deklarasaun ruma ne’ebé la’o iha Tribunál Distritál Dili.

Jurista Timoroan ne’e,  orgullu ho maturidade polítika ne’ebé governu hatudu tanba ne’e, nia husu governu ne’ebé lidera hosi Primeiru Ministru, Taur Matan Ruak, atu kontinua respeita servisu Juíz sira nia hodi dezenvolve setór justisa ba futuru.

Jornalista : Domingos Piedade Freitas

Editór:Francisco Simões

HAKEREK NO HATÁN

Please enter your comment!
Please enter your name here