Komandante PNTL Munisípiu Viqueque, Superintendente Asistente Eduardo Campos. Imajen/Nelson de Sousa

DILI, 06 janeiru 2020 (TATOLI) – Maske iha insidente ki’ik akontese iha Munisípiu Viqueque durante periodu Natal 2019 ho Tinan Foun 2020, maibé situasaun seguransa ein-jerál iha munisípiu refere la’o ho hakmatek.

Notísia Relevante : Festa Natál no Tinan Foun, PNTL Viqueque Aplika Alerta 2

Komandante Polisia Nasional Timor-Leste (PNTL) Munisípiu Viqueque, Superintendente Asistente Eduardo Campos, segunda (06/01/2020), iha Dili, informa, maske iha kazu insidente ki’ik balu mosu durante periodu Natal ho Tinan Foun, maibé PNTL konsege atua no akalma.

Nia hateten,  iha Postu Administrativu Uatulari ho Beaço, mosu konflitu fíziku entre grupu juventude ne’ebé hemu lanu, maibé PNTL atua ho di’ak  hodi kaptura mós suspeitu balun.

Durante periodu tinan tomak 2019 nian, PNTL Viqueque   rejista kazu hamutuk 184, no kategoria ba kazu boot liu mak violénsia doméstika ho kazu ofensa integridade fízika simples.

Notísia Relevante : PNTL Viqueque Rejista Krime Violénsia Doméstika ho Totál Kazu 170

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here