Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 06 janeiru 2020 (TATOLI)-Ministru Ensinu Superiór Siénsia no Kultura, Longuinhos dos Santos, hateten Ministériu Ensinu Superiór Siénsia no Kultura (MESSK) prevee ona orsamentu indemnizasaun ho montante $500,000 ba komunidade ne’ebé afetadu ba planu atu harii sidade universitária iha Munisipiu Aileu.

“Ita prevee orsamentu $500.000 ne’e tanba atu halo pagamentu ba prosesu indemnazasaun ba komunidade ne’ebé sira-nia rain afetadu ba planu ministériu nian atu harii sidade Universitária iha Aileu,” Longuinhos dos Santos dehan, iha plenária Parlamentu Nasionál, Dili, ohin.

Nia hatutan, maske orsamentu ne’e prevee ona maibé orsamentu refere sei iha hela faze analiza nia laran hamutuk ho liña ministériu sira seluk inklui Ministériu Justisa, Ministériu Obras Públiku, Ministériu Agrikultúra, Meiu Ambiente no Dirasaun Terras no Propriadade.

Orsamentu ne’ebé prevee, nia dehan, kabe ba responsabilidade husi liña Ministériu sira-nian. Tan ne’e, nia hateten, MESSK presiza kolabora hamutuk ho ministériu kompotente sira, oinsá atu halo analiza hamutuk hodi nune’e orsamentu refere bele tama lalais iha vigor atu prosesu pagamentu ne’e bele aselera lais liután.

Notísia relevante:Planu Harii Sidade Universitária, Na´in Ba Rai: “Ami Lakohi Fó Tanba Ami-nia Moris”

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here