iklan

DEFEZA, DILI, HEADLINE

Lere Lamenta Komunidade Baku Membru PNTL no F- FDTL

Lere Lamenta Komunidade Baku Membru PNTL no F- FDTL

Xefe Estadu Maiór Jenerál F-FDTL, Majór Jenerál Lere Anan Timur Imajen/Eugénio Pereira

DILI, 06 janeiru 2020 (TATOLI) – Xefe Estadu Maiór Jenerál FALINTIL-Forsa Defeza Timor-Leste (F-FDTL) Major Jenerál Lere Anan Timur, preokupa no lamenta tebes ho atitude juventude sira balun ne’ebé tula liman ba membru F-FDTL ho PNTL sira.

Notísia Relevante : Ema Sona Membru F-FDTL Na’in Ida iha Tasi-tolu

“Ha’u hanoin komunidade, liuliu joven sira ne’ebé mak baku seguransa sira hanesan membru PNTL no F-FDTL konsidera la iha moral,” afirma Lere Anan Timur, ba jornalista sira, bainhira partisipa avaliasaun servisu PNTL no F-FDTL nian hamutuk ho Ministru Ministériu Defeza no Ministru Interiór interinu, Filomeno da Paixão de Jesus, iha salaun Xanana Gusmão, Ministériu Finansa, Ai-tarak Laran, segunda (06/01/2020).

Lere esplika, tuir loloos komunidade tenke respeita membru PNTL no F-FDTL sira, tanba sira hala’o servisu Estadu nian hanesan halo seguransa iha kualkér momentu, atu povu hot-hotu hakmatek hodi hala’o atividade diária hanesan bain-bain.

Maske nune’e, nia parte mós apela ba iha parte seguransa sira, liuliu forsa atu koloka ninia-an hanesan instituisaun nia ema iha sirkunstánsia hot-hotu hanesan la bele lanu iha fatin públiku, labele sadik ema arbiru de’it no seluk-seluk tan.

“Agora, se ita nia populasaun seguransa di’ak liu lalika baku, se lae to’o momentu komandante ne’ebé mak bulak dalaruma haruka imi baku malu, tanba iha Timor ema ida la tahan forsa maske la lori kilat,” tenik Lere Anan Timur.

Jornalista : Domingos Piedade Freitas

Editór       : Francisco Simões

iklan
iklan

2 Comments

  1. Ema baku tanba força mós balu laiha moral. Hodi halo tuir sira nia gosto, tanba sira iha poder militar.
    Maibe lolos ne força mak sai lutu ba nação laos atu Baku comunidade tuir sira nia gosto.
    Força FDTL PNTL Barak ba laiha profissionalismo.
    Maibe hau hakarak hatete katak Ema barak Mak matenek Liu Sira maibe Como sira iha opportunity sira uja Ida ne hodi manfaatkan sira Nia an halo tuir sira nia gosto.

  2. Força ema Baku né normal, sira halo sala ema Baku né normal.
    Hanesan mós comunidade halo sala força Baku, né mós normal.
    Labele dehan força ema Baku nebe mundo né atu naben tia Ka tasi atu sae.
    Sira mos ema hanesan ho comunidade nebe halo sala simu nia consequências.
    Força Barak mak abuso de poder tuir lei hatete katak laiha Ema Ida isnulta Ema seluk tuir Nia gosto. Maibe lae dalabarak força uja poder ida né hodi insulta ema seluk tuir Nia hakarak.
    Ida ne los ka sala..

Leave a Reply

iklan
error: Content is protected !!