Ekipa Académica ho jestu orgullu hafoin liki Karketu Dili FC ho golu 5-2. Imajen Mídia LFA

DILI, 04 janeiru 2020 (TATOLI)–Académica FC hikis ninia adversáriu Karketu Dili FC ho golu 5-2 iha jogu kontinuasaun Liga Juvenil U-16 ne’ebé hala’o iha Kampu Federasaun Futeból Timor-Leste (FFTL), Bairru Formosa, Dili, sábadu ne’e.

Golu vitória Académica nian hatama hosi jogadór Novelito Sousa iha minutu 18, 68, Tito Lay 57, João Lopez 72 no Denilson Joni 75. Enkuantu, golu rua hosi Karketu atribui hosi Aurio Costa iha minutu 43 no Frederico da Silva 76.

Jogu refere dirije hosi árbitru Romário Malitety, juiz liña Duarte Henriques, Gaspar Soares no árbitru rezerva, Luselia Fernandes.

Entretantu, fó hanoin fali, Liga Juvenil ne’e realiza tanba hetan tulun hosi Asian Football Confederation (AFC), iha ne’ebé jogu refere lidera hosi Liga Futeból Amadora (LFA) no FFTL.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here