iklan

ERMERA, HEADLINE, MUNISÍPIU

Suku Sia Iha Atsabe Seidauk Asesu Eletrisidade

Suku Sia Iha Atsabe Seidauk Asesu Eletrisidade

Mapa Postu Administrativu Atsabe. Imajen Google

ERMERA, 28 dezembru 2019 (TATOLI)-Suku sia iha Postu Administrativu Atsabe seidauk asesu liña eletrisidade. Suku sia ne’e mak hanesan Suku Laubonu, Obulu, Tiarlelo, Laklo, Parami, Baboe karaik, Baboe leten, Lemeia leten, no Malabi.

Administradór Postu Administrativu Atsabe Munisípiu Ermera, Manuel Soares Araújo

“Ami hanesan autoridade lokál, liman ain povu nian, ami hato’o nafatin problema ne’ebé ami infrenta liuliu liña eletrisidade iha área refere ba ministériu relevante sira maske governu tinan lima troka ami sempre hato’o maibé oras ne’e daudauk sei krize finanseiru entaun ba oin sira sei hatan ami-nia preokupasaun sira ne’e,” dehan Administradór Postu Administrativu Atsabe, Manuel Soares de Araújo ba jornalista sira iha suku Batumano, ohin.

Nia relata, Postu Administativu Atsabe iha suku 12 maibé suku tolu asesu ona ba liña eletrisidade no suku sia seidauk asesu ba liña eletrisidade” Iha postu Administrativu Atsabe iha suku tolu mak asesu ba liña eletrisidade mak Suku Batumanu iha aldeia haat, suku Lasaun aldeia haat no mós suku Atara iha aldeia neen”.

Manuel Soares de Araújuo informa, eletrisidade liuhusi dalan kapitál no nasionál mak asesu liuliu estrada ninin asesu hotu maibé ba komunidade iha área remota to’o agora seidauk asesu ba liña eletrisidade.

Notísia relevante:SEKOMS Inaugura Sentru Informasaun Suku Rurál Iha Batumanu

Jornalista    : Felicidade Ximenes

Editór          : Rafy Belo

iklan
iklan

Leave a Reply

iklan
error: Content is protected !!