Diretór Operasaun AIFAESA.IP, Gabriel da Costa. Imajen Tatoli/Egas Cristovão

DILI, 28 dezembru 2019 (TATOLI)-Autoridade Inspesaun no Fiskalizasaun Atividade Ekonómika Sanitária no Alimentár (AIFAESA) liuhosi resultadu inspesaun durante loron boot natal, deskobre emprezáriu nasionál, ho estranjeiru hamutuk na’in hitu maka komete infrasaun hanesan sala uja lisensa negósiu hodi halo atividade seluk nomos faan produtu liu prazu.

Diretór AIFAESA, Gabriel da Costa, informa emprezáriu uja sala lisensa negósiu hamutuk na’in lima kompostu hosi Timoroan na’in tolu no estranjeiru na’in rua.

Notísia Relevante:Tama Natál AIFAESA Sei Halo Inspesaun Rutina Bá Loja-Supermerkadu

“Durante ami-nia inspesaun iha terenu ami deskobre komete infrasaun hamutuk hitu, infrasaun lima uja negosiu latuir lisensa hanesan ema estrajeiru rua (2) no lokál (3), faan produtu liu prazu mak ida hanesan saus tomate botir iha supermerkadu nomós deteta serveza iha diskoteka karaoke Aimutin Comoro no ida seluk mak supermerkadu xineza nian karta lisensa mate,” dehan Diretór AIFAESA ba TATOLI, iha salaun AIFAESA Matadouro, Dili, ohin.

 Notísia Relevante:AIFAESA Halo Apreensaun Ba Produtu 1.800-Resin Iha Merkadu Taibesi

Atividade inspesaun ne’e, hala’o ona durante loron sia, ne’ebé maka perkore fatin estabelesimentu negósiu hamutuk 95, kompostu hosi restaurante, kioske, loja nomos fatin diskoteka iha kapitál Dili.

Nia dehan, depois deskobre infrasaun hirak ne’e, hosi parte AIFAESA halo kedas karta notifikasaun ba kompañia atu halo defeza ba sira-nia infrasaun ho prazu durante loron 15.

“Maibé sira (emprezáriu) lakumpri mak AIFAESA sei submete ba Ministériu Públiku (MP) nune’e sira mós sei hetan multa osan rihun tolu to’o haat depende ba infrasaun,”tenik, Diretór AIFAESA.

Nia esklarese durante atividade inspesaun ne’e la’o iha terrenu, nia ekipa sempre hetan ameasa hosi emprezáriu sira maibé ekipa nafatin servisu ho pasénsia tanba hetan seguransa hosi polisia.

Jornalista : Osória Marques

Editór        : Francisco Simões

HAKEREK NO HATÁN

Please enter your comment!
Please enter your name here