Xefe Suku Maluru, Postu Administrativu Viqueque, Munisípiu Viqueque, Francisco Amaral. Imajen Tatoli/Xisto Freitas

VIQUEQUE, 23 dezembru 2019 (TATOLI)–Xefe Suku Maluru, Postu Administrativu Viqueque, Munisípiu Viqueque, Francisco Amaral rejeita informasaun katak plataforma Gás Naturál Likéfetu (LNG-sigla inglés) muda fali ba Natarbora tanba komunidade Beaço rasik konkorda ona bele harii plataforma ne’e.

“Ha’u hanoin informasaun ne’ebé mak sírkula iha Timor laran tomak katak LNG muda fali ba Natarbora ne’e la loos”, nia tenik ba Agência TATOLI, iha ninia rezidénsia, Suku Maluru, ohin.

Nia hatutan, prosesu konstrusaun ba plataforma LNG hahú kedas iha tinan 2008 no lakon ona orsamentu lubuk ida ona ba investimentu refere.

Proposta kona-ba indemnizasaun sira hatama ona iha 16 jullu 2019, maibé prezensa Kay Rala Xanana Gusmão iha 7 setembru komunidade Beaço tomak retira proposta indemizasaun no kompromete de’it simu proposta husi Governu.

Abitante afetada iha área Beaço hanesan Suku Maluru no Uma-uain Leten kompostu husi Aldeia Lao Oan, Makaloso, Maluru, Makaliku no Kaidiu-Bere ho tótal uma-kain hamutuk 447.

Rai ne’ebé mak komunidade oferese hodi harii plataforma LNG hamutuk ektare 650 no área ba konstrui bairru foun hamutuk ektare 400.

Nia haklaken, se Governu Sentrál mak muda duni ba iha Natarbora konsidera depende desizaun maibé komunudade Beaço tomak mak sai filafali vítima tanba durante ne’e projetu dezenvolvimentu suku atu hala’o iha Beaço maibé tanba atu harii plataforma LNG entaun sira kansela tiha no joven hosi Beaço hamutuk 25 ne’ebé prepara ba projetu refere mós sei sai vítima.

Jornalista: Domingos Piedade Freitas

Editór: Xisto Freitas

HAKEREK NO HATÁN

Please enter your comment!
Please enter your name here