HNGV. Foto google

DILI, 17 dezembru 2019 (TATOLI)–Xefe Departamentu Bloku Operatoriu no Anestesia, Maria Jose Piedade, hateten sala operasaun Hospital Nasional Guido Valadares (HNGV) iha tolu maibe la sufisiente tan ne’e nia husu ba Governu atu aumenta tan sala operasaun tanba númeru operasaun aumenta ba bebeik.

Kestaun ne’e, nia levanta, tanba haree mós ba razaun kanselanentu sira mós barak hanesan pasiente sira la bele opera tanba sala operasaun la duun másimu.

“Dalaruma pasiente ne’ebé atu opera hein kleur atu opera, zemplu, nia jejum dezde dadeersan to’o kalan mak bele opera tanba lista ba sira ne’ebé tama de’it sala operasaun ne’e mós barak loos. Entaun, oinsá para bele aumenta sala opersaun ida ne’e hodi hlo tratamentu ba pasiente ho lalais,” dehan Xefe Departamentu Bloku Operatoriu no Anestesia, Maria Jose Piedade, ba jornalista, ohin.

Tanba, nia fo razaun, iha HNGV sala emerjénsia iha sala ida de’it ezemplu inan isin rua ho apendis ida, entaun tenke hili liu inan isin-rua tanba iha ema na’in rua kedas labarik ho nia inan ne’ebe tenke salva uluk sira.

“Sala operasaun iha ekipamentus la duun sufisienete hanesan ita halo operasaun ba ruin nian ne’e, ekipamentus menus tebes. Ekipamentus ne’e sala operasaun presiza barak para halo tratamentu ba pasiente sira ne’ebé atu opera ne’e ho di’ak,” nia informa.

Ezemplu, nia haktuir, doutór ortopedista opera ema-nia ain tohar hakarak tau besi ohin no ida seluk mai atu opera tan iha ain labele tanba ekipamentu ba ida ne’e ida de’it. Entaun hein tempu dadeer ida opera ida seluk, lokraik mak opera tan.

“Maibé, ami sempre tau planu hamutuk hodi bele sosa fila fali ekipamnetus ne’ebé mak prioridade liu no dala ruma ita mós haree ba orsamentu sira ne’e maibé hein katak sei bele rezolve kestaun ne’e,” nia esplika.

Jornalista : Felicidade Ximenes

Editór       : Rafi Belo

HAKEREK NO HATÁN

Please enter your comment!
Please enter your name here