Xefe Departamentu Sinál Tránzitu Diresaun Nasionál Transporte Terrestre (DNTT), João Eugênio da Silva. Imajen Tatoli/Egas Cristovão

DILI, 23 dezembru 2019 (TATOLI) – Xefe Departementu Sinál no Tránzitu Diresaun Nasionál Transporte Terrestre ( DNTT), João Eugénio da Silva, hateten DNTT ho Polísia Nasionál Timor-Leste (PNTL) asina ona akordu ida hodi hahú estabelese postu tolu hodi halo operasaun ba viatura sira ne’ebé sirkula bá munisípiu durante tempu Natál no tinan foun.

“Ami halo akordu ona ho parte PNTL atu halo operasaun ba viatura sira ne’ebé bá munisípiu, hahú iha semana kotuk, ami mós konkorda estabelese postu permanente tolu, ida iha Fatuhai, Manleuana sa’e bá betudak nian no ida seluk iha Tasitolu “, nia dehan ba Ajénsia TATOLI iha Balidi, ohin.

Nia hatutan postu permanente tolu funsiona durante oras 24 nia-laran iha ámbitu loron boot Natál no tinan foun, ho objetivu atu haree viatura sira ne’ebé halo viajen bá munisípiu, maka tula pasajeiru liu kapasidade karreta, entaun Polísia sei hatún.

Nune’e mós parte DNTT sei apoia hodi reforsa PNTL ba operasaun viatura sira ho baze lei kódigu estrada númeru 5/2003 la permite atu kondutór tula pasajeiru liu kapasidade karreta nian.

Tanba ne’e, husu ba kondutór sira atu labele viola regra, bainhira viola maka DNTT ho PNTL sei hatún pasajeiru sira iha dalan.

Operasaun la halo iha terminál, nia hatán kolokasaun pesoál DNTT ho PNTL seidauk iha no funsionamentu terminál mós seidauk la’o di’ak, nune’e estabelese postu permanente tolu atu parte rua bele halo serbisu di’ak iha momentu loron boot.

Notísia relevante : Operasaun ba Transporte Públiku sei Akontese Semana ne’e

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here