Logotipu UNPAZ

DILI, 23 dezembru 2019 (TATOLI)-Universidade da Paz (UNPAZ) liuhusi Fakuldade Enjeñária, kompostu husi Departamentu Arkitetura, Konstrusaun Sívil no Indústria realiza judisiu ba da-XIII ba nia estudante finalist na’in 351.

Departamentu Arkitetura, estudante finalista hamutuk 82, Konstrusaun Sívil estudante hamutuk 230 no Indústria estudante hamutuk 38.

“Ha’u sadik imi hanesan dekanu, ha’u sadik imi hanesan alumni mós, hanesan judista ka’er metin ida ne’e (almamter), labele alumni ka liafuan alumni ne’e sai hanesan slogan de’it iha ibun tutun, maibé pratika la’o oin seluk,” sadik Dekanu Fakuldade Enjeñária, José Manuel Maniquin, iha Salaun UNPAZ, Manleuana, ohin.

 Dekanu ne’e friza katak títulu ne’ebé estudante finalist sira hetan ne’e responsabilidade idaidak no responsabilidade ne’e importante.

“Ha’u sadik imi atu kaer metin nafatin responsabilidade ida ne’e, labele ibun tutun de’it. Buat ruma ne’ebé la loos tenke konfirma, labele rona sorin de’it sai hanesan polemika. Almamater ne’e tenke ka’er metin iha ita-nia fuan la’ós ibun tutun”.

Jornalista    : Nelia Fernandes

Editór          : Rafy Belo

HAKEREK NO HATÁN

Please enter your comment!
Please enter your name here