Administradór Postu Administrativu Ossu, Munisípiu Viqueque, Augusto de Sousa. Imajen TATOLI/Xisto Freitas

VIQUEQUE, 22 dezembru 2019 (TATOLI)–Administradór Postu Administrativu Ossu, Munisípiu Viqueque, Augusto de Sousa, haktuir bailoron naruk (mudansa klimátika) ne’ebé akontese prejudika aihoris hanesan modo no balada sira (karau) mate.

“Bailoron naruk ne’e fó impaktu ba aihan sira iha Ossu hanesan modo tahan sira maran hotu tanba bee maran, kauza hosi udan been laiha. Tinan sira liubá ne’e oras hanesan ne’e pelumenus aihoris buras no fó rezultadu tanba udan been di’ak,” Augusto ba Agéncia Tatoli iha nia rezidénsia Viqueque Vila, domingu ne’e.

Aleinde ne’e, hosi bailoron naruk ne’e rezulta balada (karau) lubuk mós mate tanba bee maran no hetan difikuldade ba hahán.

“La’ós de’it modo no aihan sira mak mate. Karau-vaka no karau-timur ne’e mós balun mate tanba aihan ne’ebé sira han ne’e namlaek hotu, impaktu hosi udan been laek. Karau hirak-ne’e mós tenke buka bee entaun bee sira maran hotu prejudika sira la tahan rai-manas entaun tenke mate,” nia subliña.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here